16 بازرگان و ئاڵودەبووی مادەی هۆشبەر لە کەرکووک دەستگیر کران

ئاڤا نیوز

هێزەئەمنییەکانی کەرکووک لە ماوەی سێ رۆژی ڕابردوودا 16 بازرگان و ئالودەبووی مادەی هۆشبەریان دەستگیردووە، هاوکات دەستیان بەسەر ژمارەیەک چەکی بێ مۆڵەت و بڕێک کریستاڵیشدا گرتووە.

وێنە گەورەکە: بەڕێوەبەرایەتیی نەهێشتنی مادە هۆشبەرەکان لە کەرکووک، دوای چاودێریکردنی ورد و دانانی  بۆسە لە چەند گەڕەکێکی جیاوازی شاری کەرکووک، توانرا ژمارەیەک تۆمەتباری ماددەی هۆشبەر دەستگیر بکات.

ڕاگەیێنراوی فەرمی: مەفرەزەکانی بەڕێوەبەرایەتیی کاروباری ماددە هۆشبەرەکانی کەرکووک، بە هاوکاری یەکەی تاکتیکی سەر بە فەرماندەیی پۆلیسی کەرکووک، لە ماوەی سێ ڕۆژی یەک لە دوای یەکدا، بە پشتبەستن بە بڕیاری دادوەری و زانیاریی چالاکانە، بۆسەیان بۆ بازرگانانی مادەی هۆشبەر لە ناوچە جیاجیاکانی شاری کەرکووک داناوە لە پێکدادان لەگەڵ کۆمەڵێک بازرگان بە بەکارهێنانی چەک و ڕاوکردن، توانراوە 16 تۆمەتبار دەستگیر بکرێن.

زانیاریی زیاتر: لە کاتی دەستگیرکردنی تۆمەتباران، دەست بەسەر سێ دەمانچە و بڕێک مادەی کریستاڵ و چوار هەزار حەبی هۆشبەر و چەند پارچە کەلوپەلێکی بەکارهێنانی کریستاڵ و سێ ئۆتۆمبێلدا گیراوە.

ئەوەی پێویستە بیزانیت: دوای دەستگیرکردنی تۆمەتباران ڕەوانەی دەسەڵاتی دادوەری کراون بۆ ئەوەی سزای یاسایی وەربگرن.