هاکان فیدان دەچێتە بەغدا

ئاڤا نیوز

 

بڕیارە ڕۆژی یەکشەممە، وەزیری دەرەوەی تورکیا سەردانی بەغدا بکات و لەلایەن وەزیری دەرەوەی عێراق، پێشوازیی لێدەکرێت.

 

زانیاریی پەیامنێر: بەگوێرەی زانیارییەکانی دەروون مەلا ناجی، پەیامنێری ئاڤا میدیا لە بەغدا بەپشتبەستن بە زانیارییەکانی سەرچاوەیەک لە حکومەتی عێراق، ڕایگەیاند: بڕیارە ڕۆژی یەکشەممە، هاکان فیدان، وەزیری دەرەوەی تورکیا بە سەردانێکی فەرمی بگاتە بەغدا بۆ تاوتوێکردنی چەندین پرسی هاوبەش نێوان عێراق و تورکیا، لەوانەش دۆخی ناوچەکە و پێشهاتەکانی ئەم دواییە.

 

هاوکات چاوەڕوان دەکرێت هاکان فیدان و فوئاد حسێن، دوای تەواوبوونی کۆبوونەوەکان کۆنگرەیەکی ڕۆژنامەوانی بکەن، تاوەکو ئێستا دیار نییە فیدان سەردانی هەرێمی کوردستان دەکات یاخود نا.  

 

باکگراوند: هاکان فیدان، چەند مانگێک دوای دەستبەکاربوونی لەمانگی 6ی ساڵی 2023، سەردانی عێراق وهەرێمی کوردستانی کرد، لە دوای ئەوە لە مانگی 4ی ساڵی 2024، لەگەڵ ڕەجەب تەیب ئەردۆغان، سەرۆککۆماری تورکیا بەیاوەریی شاندێک سەردانی عێراق و هەرێمی کوردستانیان کرد و 27 ڕێککەوتن و یاداشتی لێکتێگەیشتنیان لە کەرەتە جۆراوجۆرەکاندا واژۆ کرد.