توێژینەوەیەک: مۆبایل هۆکارێکە بۆ زیادبوونی کێشی منداڵان

ئاڤا نیوز

 

بەهۆی بەکارهێنانی شاشە زیرەکەکان لەلایەن منداڵانەوە، توێژینەوەیەکی نوێ دەریدەخات، ئەو منداڵانەی لەکاتی نانخواردنیش موبایلی زیرەک بەکاردەهێنن ئەگەر زیاد بوونی کێشیان زیاترە.

 

بڵاوکراوەی فەرمی: بەگوێرەی بڵاوکراوەیەکی توێژەرانی زانکۆی مینهۆی پورتوگالی، منداڵەکان بەهۆی سەرقاڵبوونیان بە شاشەوە ڕێژەیەکی زیاتر خواردن دەخۆن، ئەمەش کار لەسەر زیاد بوونی کێشیان دەکات بەشێوەیەکی نائاسایی.

 

زانیاریی بەدەستهاتوو: توێژەران ئاماژە بەوە دەکەن، ئەو منداڵانەی لە کاتی نان خواردن مۆبایل بەکاردەهێنن، ئەگەری زیاد بوونی کێشیان بە بەڕێژەی 15% زیاترە بەراورد بە منداڵانی دیکە.

 

ئەوەی لەبارەیەوە دەگوترێت: بەشێک لە توێژەران پێیان وایە، کاتێک منداڵ لەکاتی نان خواردن شاشە زیرەکەکان بەکاردەهێنێت، ئاگایان لە ڕێژەی خواردنی خوردنەکەیان نامێنێت و دواجار تووشی قەڵەوی نائاسایی دەبنەوە. هاوکات زیادبوونی ڕێژەی تووشبوون بە شەکرەش دەکرێت یەکێکی دیکە بێت لە کاریگەرییە نەرێنییەکانی بەکارهێنانی شاشەکان.