وەزارەتی کاری عێراق لە ڕێگەی ئاڤاوە وەڵامی نەیجیریا دەداتەوە

ئاڤا نیوز

 

وەزارەتی کار و کاروباری کۆمەڵایەتیی عێراق وەڵامی لیژنەی کاروباری نەیجیرییەکانی دەرەوەی وڵات دەداتەوە و دەڵێت،  " مامەڵە لەگەڵ هیچ کارگوزارێکی بیانی ناکەین مۆڵەتی کارکردنیان نەبێت".

 

چیرۆکە سەرەکیەکە: بەگوێرەی لێژنەی کاروباری نەیجیرییەکانی دەرەوەی وڵات، زیاتر لە پێنج هەزار ئافرەتی نەیجیریا لە عێراق گیریان خواردووە و دەستبەسەرن، ئەمەش  دوای ئەوەی بۆ کارکردن هاتوونەتە عێراق.

 

لێدوانی فەرمی: کازم عەتوانی، بەڕێوەبەری بەشی ڕاگەیاندن و پەیوەندییە نێودەوڵەتییەکان لە وەزارەتی کاری عێراق بە ئاڤا میدیای ڕاگەیاند: “ئەو ئافرەتە نەیجیریانە بە شێوەیەکی نافەرمی هاتونەتە نێو عێراق و وەزارەتەکەیان مامەڵە لەگەڵ ئەو کارگوزارانەی مۆڵەتی کارکردنیان نەبێت ناکات.

زانیاریی زیاتر: عەتوانی ئاماژەی بەوەشکرد، پێویستە نەیجیریا لەڕێگەی کەناڵە دیپلۆماسییەکانەوە پەیوەندیی بە وەزارەتی دەرەوە و ناوخۆی عێراق بکات بۆ یەکلایکردنەوەی ئەو کەیسە.

بۆچوونی لایەنی بەرامبەر: ئابیکە دابیری ئەریوا، سەرۆکی لێژنەی کارووباری نەیجیرییەکانی دەرەوەی وڵات ئاشکرای کردووە: " زۆربەی ئەو ئافرەتانەی چوونە بۆعێراق، بۆ ئەوەی وەک کارگوزار کار بکەن، ڕووبەڕووی بارودۆخێکی سەخت بونەتەوە".