ئەندامێکی لیژنەی دارایی: هەناردەکردنەوەی نەوتی کوردستان دەستپێدەکاتەوە

 

ئاڤا نیوز

ئەندامێکی لیژنەی دارایی پەرلەمان ئاشکرای دەکات، دوای گەیشتنی خشتەی بودجە لەحکومەتەوە، هەموارکردنەوەی یاسای بودجە بەزۆرینەی دەنگ پەسەند دەکرێت.

چیرۆکی سەرەکی: دوای چەندین دانیشتن و کۆبوونەوەی چڕ، حکومەتی هەرێمی کوردستان و حکومەتی عێراق ڕێککەوتن لەسەر هەموارکردنەوەی ئەو ماددەیەی پەیوەستە بە هەناردەکردنەوەی نەوتی هەرێمی کوردستان .

لێدوانی فەرمی: موعین کازمی ئەندامی لیژنەی دارایی پەرلەمانی عێراق ڕایگەیاند:

- یاسای بودجە تاوەکو ساڵی 2026 پەسەندکراوە، ئەوەی هەموار دەکرێتەوە تەنیا خشتەی بودجە و ژمارەکانە .

- سەبارەت بەمادەی 12ـی پەیوەست بەهەناردکردنەوەی نەوتی هەرێمی کوردستان کازمی ئاماژەی بەکرد، ئەو مادەیە خوێندنەوەی یەکەم و دووەمی بۆ کراوە و لە لیژنەی داراییش بە زۆرینەی دەنگ پەسەند کرا ئەوەی ماوەتەوە دەنگدانە لەسەری لە پەرلەمان، لەدانیشتنەکانی داهاتوی پەرلەمان بەدڵنیاییەوە پەسەند دەکرێت چونکە پاڵپشتی زۆربەی لایەنەکانی لەسەرە.