وەزیری دەرەوەی تورکیا گەیشتە بەغدا

ئاڤا نیوز 

 

 

هاکان فیدان، وەزیری دەرەوەی تورکیا بە سەردانێکی فەرمی گەیشتە بەغدا و لەلایەن بەرپرسانی عێراق پێشوازیی لێکرا.

 

ئەوەی پێویستە بیزانیت: بەگوێرەی لیژنەی پەیوەندییەکانی درەوەی پەرلەمانی عێراق؛ ڕووبەڕووبوونەوەی پەکەکە، مەلەفی سووریا، هەماهەنگی بەغدا و ئەنقەرە و دیمەشق دەربارەی پرسی ئاسایش و ئابووریی، پرۆژەی ڕێگەی گەشەپێدان، سەرەکیترین بابەتی کۆبوونەوەکانی هاکان فیدان لەگەڵ بەرپرسانی عێراق دەبێت.

 

زانیاریی پەیامنێر: دەروون مەلا ناجی پەیامنێری ئاڤا لە بەغدا ڕایگەیاند، کەمێک پێش ئێستا هاکان فیدان، وەزیری دەرەوەی تورکیا گەیشتە فڕۆکەخانەی نێودەوڵەتی  بەغدا و لەلایەن بەرپرسانی حکومەتی عێراق پێشوازی لێکرا.

 

ئەوەش بزانە: فیدان لەگەڵ هەر یەکە لە فوئاد حوسێن، وەزیری دەرەوەی عێراق، محەممەد شیاع سوودانی، سەرۆکوەزیرانی عێراق و عەبدوللەتیف ڕەشید، سەرۆککۆماری عێراق کۆدەبێتەوە و و فوئاد حوسێن دواتر کۆنگرەیەکی ڕۆژنامەوانی لەبەغدا ئەنجام دەدەن

 

لەلایەکی دیکەوە: بە گوێرەی میدیاکانی تورکیا پرسی پەکەکە و هەماهەنگی هەواڵگری تەوەری سەرەکی کۆبوونەوەکانیان دەبێت.