عێراق و ئێران ڕووفاتی بێسەروشوێنانی جەنگی نێوانیان ئاڵوگۆڕ دەکەنەوە

ئاڤا نیوز

 

لە دەروازی سنووری نێوان عێراق و ئێران لە بەسرە، هەردوو وڵات ڕووفاتی بێسەروشوێنبووانی سەردەمی جەنگی یەکەمی کەنداو ئاڵوگۆڕ کردەوە.

 

زانیاریی بەدەستهاتوو: بەگوێرەی میدیا عێراقییەکان، ئەمڕۆ یەکشەممە، عێراق ڕووفاتی 41 سەربازی ئێرانی ڕادەستی ئەو وڵاتە کردەوە کە 16ەیان ناسنامەکەیان زانراوە، لە بەرامبەردا ئێران ڕووفاتی 21 سەربازی رادەستی عێراق کردەوە کە تەنیا یەکێکیان ناسنامەکەی زانراوە و دواتر پشکنین بۆ ڕووفاتەکانی دیکە دەکرێت بۆ زانینی ناسنەمەیان و ڕادەستکردنەوەیان بە خانەوادەکانیان.

 

زانیاریی زیاتر: ناوەناوە هەردوو وڵات ڕووفاتی سەربازانی یەکتری ئاڵوگۆڕ دەکەنەوە، ئەوەش بەپێی ڕێککەوتنی جنێف  کە لە ساڵی 2008 واژۆ کرا بە چاودێریی لیژنەی نێودەوڵەتیی خاچی سوور.

 

باکگراوەند: جەنگی نێوان عێراق و ئێران ماوەی هەشت ساڵی خایاند، شەڕەکە لە ساڵی 1980 دەستیپێکرد و تا ساڵی 1988 بەردەوام بوو، لەو شەڕەدا سەدان هەزار قوربانیی لە هەردوولاوە لێکەوتەوە.