فوئاد حوسێن: بەردەوام دەبین لە ڕووبەڕووبوونەوەی داعش

ئاڤا نیوز 

 

فوئاد حوسێن، وەزیرەی دەرەوەی عێراق پێشوازیی لە هاکان فیدان، هاوتا تورکییەکەی کرد لە بەغدا و دوای کۆبوونەوەیان کۆنگرەیەکی ڕۆژنامەوانییان ئەنجامدا، کە تێیدا جەختیان لە هەماهەنگی و پەیوەندییەکانیان کردەوە. 

 

لێدوانی فەرمی: فوئاد حوسێن لە کۆنگرە ڕۆژنامەوانییەکە ڕایگەیاند:

-  تاوتوێی میکانیزمی کاراکردنی یاداشتەکانی لێکتێگەیشتنی هەردوولامان کرد کە لە سەردانەکەی ئەردۆغان بۆ بەغدا لە ساڵی ڕابردوو واژۆ کران. 

-  پانتاییەکی فراوان کارکردنی هاوبەش لە بوارەکانی وزە و پرسی ئاو و پرسە بازرگانی و بانکی و دارایی و کۆمپانیاکانی کەرتی تایبەتی هەردوولا.

-  لە کۆبوونەوەی ئەمڕۆمان دا تاوتوێی بارودۆخی دەوروبەرمان کرد، بە تایبەتیش دۆخی ئێستای سووریا و لێکتێگەیشتنی باش لەنێوان تورکیا و عێراق لەبارەی چۆنیەتی مامەڵەکردن لەگەڵ سووریا هەیە،  ئێمە لە پەیوەندیی بەردەوام داین لەگەڵ بەرپرسانی ئیدارەی نوێی دیمەشق، هەوڵدەدەین دەربارەی چەندین پرس هەماهەنگییمان هەبێت.

-  تاوتوێی باردودۆخی ئەمنی و بوونی داعش لەسەر سنووری عێراق و سووریامان کرد، چەندین کۆبوونەوەی دیکەش لەنێوان هەردوولا دەبن سەبارەت بە چەندین پرسی ناوچەکە و بەرەنگاربوونەوەی داعش.
 
لەلایەکی دیکەوە: هاکان فیدان لە کۆنگرەی وتی: پێویستە کاری هاوبەش بکەین بۆ بەرەنگاربوونەوەی پەکەکە،  دواین چاوەڕوانیمان لە عێراق، بەفەرمی ناساندنی پەکەکەیە وەک "گرووپێکی تیرۆریستی".

 

هەروەها وتیشی، پەیوەندی نێوان عێراق و سووریا گرنگە بۆ سەقامگیری ناوچەک، وەک تورکیا ئامادەین بۆ پشتیوانیکردنی پەیوەندییەکانی نێوانیان.

 

ئەوەش بزانە: لە میانەی سەردانەکەیدا فیدان بڕیارە لەگەڵ محەممەد شیاع سوودانی، سەرۆکوەزیرانی عێراق و عەبدوللەتیف ڕەشید، سەرۆککۆماری عێراق کۆببێتەوە.