وەزیرانی سێ وڵات لەگەڵ نوێنەرانی هەسەدە لە بەغدا کۆدەبنەوە

 

ئاڤا نیوز

بەگوێرەی چەند زانیارییەکی دزەپێکراو، لە سەردانەکەی وەزیری دەرەوەی تورکیا بۆ عێراق باس لە کۆبوونەوەی وەزیرانی سێ وڵات لەگەڵ نوێنەرانی 'هەسەدە' لە بەغدا کراوە.

چیرۆکی سەرەکی: هاکان فیدان، وەزیری دەرەوەی تورکیا بە سەردانێکی فەرمی گەیشتە عێراق و لەگەڵ بەرپرسانی باڵای ئەو وڵاتە کۆبووەوە، لە کۆبوونەوەکاندا بەگوێرەی لیژنەی پەیوەندییەکانی دەرەوەی پەرلەمانی عێراق؛ ڕووبەڕووبوونەوەی پارتی کرێکارانی کوردستان، دۆسیەی سووریا، هەماهەنگی بەغدا و ئەنقەرە و دیمەشق دەربارەی پرسی ئاسایش و ئابووریی. سەرەکیترین بابەتی کۆبوونەوەکان بووە.

زانیاریی بەدەستهاتوو: بەگوێرەی ئەو زانیارییە دزەپێکراوانەی لە میدیا عێراقییەکان بڵاوکراوەتەوە، ئامانج لە سەردانەکەی فیدان، بە مەبەستی ئامادەکاریی بووە بۆ کۆبوونەوەیەک لە عێراق لەنێوان وەزیری دەرەوەی ئیدارەی نوێی سووریا و عێراق و تورکیا بە ئامادەبوونی نوێنەرانی هێزەکانی سووریای دیموکرات 'هەسەدە'.

لە لایەکی دیکەوە: دوای کۆبوونەوەی لەگەڵ هاوتا تورکییەکەی، فوئاد حوسێن، وەزیری دەرەوەی عێراق لە کۆنگرەیەکی ڕۆژنامەوانی هاوبەشدا ڕایگەیاند: لە کۆبوونەوەی ئەمڕۆمان دا تاوتوێی بارودۆخی دەوروبەرمان کرد، بە تایبەتیش دۆخی سووریا و لێکتێگەیشتنی باش لەنێوان تورکیا و عێراق دەربارەی چۆنیەتی مامەڵەکردن لەگەڵ دۆخی سووریا هەیە، ئێمەش لە پەیوەندیی بەردەوام داین لەگەڵ بەرپرسانی ئیدارەی نوێی دیمەشق، هەوڵ دەدەین دەربارەی چەندین پرس هەماهەنگییمان هەبێت.

بۆچوونی لایەنی بەرامبەر: هاکان فیدان لە کۆنگرەڕۆژنامەوانییەکە گوتی: پەیوەندی نێوان عێراق و سووریا گرنگە بۆ سەقامگیری ناوچەکە، وەک تورکیا ئامادەین بۆ پشتیوانیکردنی ئەو پەیوەندییە.