چالاکییەکی حەشدی شەعبی بەدرۆ دەخرێتەوە

ئاڤا نیوز

فەرماندەیی ئۆپەراسیۆنەکانی بەغدا، چالاکییەکی حەشدی شەعبی لەبارەی خستنەخوارەوەی دوو فڕۆکەی بێفڕۆکەوان لە ئاسمانی شاری کازمییە ڕەتدەکاتەوە.

 

وێنە گەورەکە: پاراستنی ئاسایشی ڕێوڕەسمەکانی سەردانیکردنی ناوچەی کازمییەی بەغدا کە مەزاری ئیمام موسا کازمی لێیە، درابووە دەست هێزە ئەمنییە عێراقییەکان بە گشت پێکهاتەکانیانەوە، لەنێویشیاندا حەشدی شەعبی.

 

چیرۆکی سەرەکی: ئێوارەی ڕۆژی 26-1-2024، فەرماندەیی ئۆپەراسیۆنەکانی بەغدا لە هێزەکانی حەشدی شەعبی ڕایگەیاند: هێزەکانیان "دوو فڕۆکەی بێفڕۆکەوانی نەناسراویان لە ئاسمانی شاری کازمییە" خستە خوارەوە.

 

ڕاگەیێنراوی فەرمی: دوای ڕاگەیێنراوێکی حەشد، فەرماندەیی ئۆپەراسیۆنەکانی بەغدا لە ڕاگەیێنراوێکدا ڕوونکردنەوەیەکی سەبارەت بەو دوو فڕۆکە بێفڕۆکەوانە بڵاوکردەوە و ڕایگەیاند: لە هەندێک لە تۆڕە کۆمەڵایەتییەکان هەواڵی ئەوە بڵاوکراوەتەوە کە دوو فڕۆکەی بێفڕۆکەوان لەکاتی هەوڵدان بۆ چوونە ناو ئاسمانی کازمیە خراونەتە خوارەوە.

 

- هەڵوێستی فەرمی لەسەر ئەو بابەتە ئەوەیە کە دوو فڕۆکە بێفڕۆکەوانەکە نیشتوونەتەوە و سەر بە فەرماندەیی ئێمە بوونە و هیچ پێشێلکارییەکی ئەمنی ڕووی نەداوە یان ئاماژەی پێنەکراوە لە کاتی سەردانەکەدا.

 

 ئەوەی پێویستە بیزانیت: لە 25ی مانگی ڕەجەبی ساڵی کۆچی کە ئەمساڵ کەوتە 26-1 شیعە مەزهەبەکان، یادی کۆچی دوایی ئیمامی کازم (حەوتەمین ئیمامی ئەهلی بەیت بۆ شیعەکانیان) کردەوە، هاوکات ملیۆنان زیارەتکار سەردانی ناوچەی کازمییەی بەغدایان کردووە کە مەزاری ئیمام موسا کازمی لێیە.