داوا دەکرێت سەروەت و سامانەکەی ئەسەد لە بەریتانیا ڕادەستی سووریا بکرێتەوە

ئاڤا نیوز

 

داوا دەکرێت ئەو سەروەت و سامانەی کە بەشار ئەسەد لە لەندەن هەیەتی و بلۆک کراوە، ڕادەستی حکومەتی نوێی سوویا بکرێتەوە.  

 

زانیاریی بەدەستهاتوو: بەپێی میدیاکانی بەریتانیا، شارەزایانی ئەو وڵاتە داوا دەکەن سەروەت و سامانی بلۆک کراوی بەشار ئەسەد، سەرۆکی پێشووی سووریا بۆ ئاوەدانکردنەوە و بەرژەوەندی گەلی سووریا بەکاربهێنرێت.

 

لێدوانی فەرمی: ئیان ئۆڤەراتۆن، بەڕێوەبەری چالاکیی دژی چەکداری (AOAV) لە لەندەن ڕایگەیاند: بوونی ئەم سەروەت و سامانە لە بەریتانیا نیگەرانییەکی زۆری لەبارەی چاودێری دارایی و یاسا دروست دەکات و هۆشداریدا لەوەی کە '' ئەم دۆخە بەریتانیا دەکاتە پەناگەیەکی سەلامەت بۆ سەروەت و سامانی نایاسایی دەسەڵاتی پێشووی سوریا''. 

 

زانیاریی زیاتر: بەریتانیا سزای بەسەر 310 کەس و 74 لایەنی پەیوەندیدار بە ئەسەد و دەسەڵاتی پێشووی سووریا سەپاندووە لە ناویاندا بەشار ئەسەد و ئەسمای هاوسەریەتی.