زیاتر لە 70 هەزار خێزانی ناوچە شاخاوییەکانی دهۆک نەوت وەردەگرن

ئاڤا نیوز

 

قۆناغی یەکەمی دابەشکردنی نەوتی سپی عێراق بە نرخی پاڵپشتیکراو، لە سنووری پارێزگای دهۆک و ئیدارەی سەربەخۆی زاخۆ ماوەی چوار ڕۆژە دەستیپێکردووە، پلانەکەش بۆ ئەوەیە دانیشتووانی هەموو ناوچە سارد و شاخاوییەکانی سنوورەکە لە پرۆسەکە سوودمەندبن.

 

وێنە گەورەکە: حەوت ملیۆن و 900 هەزار لیتر نەوتی سپی، لە چوارچێوەی پشکی نەوت و وزەی هەرێمی کوردستان بۆ پارێزگای دهۆک دابینکراوە، بەم بڕەش لە 290 هەزار خێزان تەنیا 13% خێزانیان سوودمەند دەبن.

 

لێدوانی فەرمی: کارزان ڕەئووف، بەڕێوەبەری نەوت و کانزاکانی دهۆک بە ئاڤای میدیای ڕاگەیاند، "ڕۆژانە سێ بۆ چوار تەنکەر نەوت لە بەغداوە بۆ پارێزگای دهۆک دەنێردرێت، پلانمان بۆ ئەوە داناوە زیاتر لە 70 هەزار خێزان لە ناوچە سارد و شاخاوییەکانی سنوورەکە لە پرۆسەی وەرگرتنی نەوت سوودمەندبن."

 

ئەوەی پێویستە بیزانیت: وەزارەتی نەوتی عێراق، 50 ملیۆن لیتر نەوتی سپی وەک پشکی نەوت و وزەی هەرێمی کوردستان دابینکردووە و پشکی پارێزگاکان جیاکراوەتەوە، هەر خێزانێک 100 لیتری بە نرخی پاڵپشتیکراو پێدەدرێت.