وەزارەتی ناوخۆ: بەهۆی دەستدرێژی زیاتر لە چوار هەزار کەس لە خزمەت دەرکراون

ئاڤا نیوز

بە گوێرەی ئامارێکی وەزارەتی ناوخۆی عێراق لە ماوەی ساڵی 2024، زیاتر لە چوار هەزار کەس بەهۆی دەستدرێژی بۆسەر فەرمانبەر و خزمەتكاری گشتی لە کارەکانیان دوورخراونەتەوە و 15 هەزار دۆسیەش ڕەوانەی دادگەکان کراون و لەو ژمارەیەش 12 هەزاریان حکومدراون.

وێنە گەورەکە: بەگوێرەی هەردوو ماددەی 229 و 230 لە یاسای سزادانی عێراقی هەر کەسێک دەستدرێژی بکاتە سەر فەرمانبەر و خزمەتكاری گشتی سزاد دەدرێت، ئەرکی وەزارەتی ناوخۆیە بەگوێرەی ئەو دوو ماددەیە ڕێگە نەدات دەستدرێژیان بکرێتە سەر.

لێدوانی فەرمی: میقداد میری، وتەبێژی وەزارەتی ناوخۆی عێراق بە ئاژانسی فەرمی عێراقی ڕاگەیاند: پاراستن و پاڵپشتیکردنی لێهاتووییە پیشەییەکان، بەتایبەتی پزیشکان، ڕۆژنامەنووسان، پارێزەران و کادیرانی پەروەردەیی، جێگەی بایەخی وەزارەتی ناوخۆیە و ئەنجوومەنی باڵای دادوەریش جەختی لەسەر ئەم لایەنە کردووەتەوە، جگە لەو ڕێنماییانەی کە لەلایەن وەزیری ناوخۆوە سەبارەت بەو بابەتە دەرچووە.

ژمارەکان وادەڵێن: "نزیکەی 35 هەزار دۆسیە لە دادگەکانی هێزەکانی ئاسایشی ناوخۆ ڕەوانەی دەسەڵاتی دادوەری کراون و نزیکەی 27 هەزار بڕیار دەرکراون و دوو هەزار و 129 کەسیش لە خزمەت دوورخراونەتەوە".

زانیاریی زیاتر: لە ساڵی 2024دا چوار هەزار و 60 کەس لە خزمەت دەرکراون، جگە لە 15 هەزار دۆسیە ڕەوانەی دادگەکان کراون، لەو ژمارەیە 12 هەزاریان حکومدراون.