بەرهەمی ڕۆژانەی نەوتی عێراق 300 هەزار بەرمیل کەمدەکات

ئاڤا نیوز

بەهۆی ئاگرکەوتنەوە لە هەفتەی ڕابردوو لە یەکێک لە کێڵگەکان، بەرهەمی ڕۆژانەی نەوتی عێراق 300 هەزار بەرمیل نەوت کەمیکردووە.

چیرۆکی سەرەکی: ڕۆژی هەینی 24ـی ئەم مانگە، ئاگر لە تانکییەکانی وێستگەی غازی پێنجەم لە باکووری ڕومەیلە لە پارێزگای بەسڕە کەوتەوە و ڕێژەی بەرهەمهێنان لەو کێڵگەیە بە سەدان هەزار بەرمیل کەمیکردووە و دەیان بیری نەوت لەکار کەوتن.

لێدوانی فەرمی: محەممەد ئەلنەجار، نوێنەری عێراق لە ڕێکخراوی ئۆپێک بە ئاژانسی "بلۆمبێرگ"ی ڕاگەیاند: بەرهەمهێنانی نەوتی کێڵگەی ڕومەیلە لە عێراق بە ڕێژەی 300 هەزار بەرمیل لە ڕۆژێکدا کەمبووەتەوە بەهۆی ئاگرەکەی هەفتەی ڕابردوو، گومان هەیە دەربارەی کاتی  چاکبوونەوەی تەواوەتی بەرهەمهێنان لەو کێڵگەیە.

ئەمەش بزانە: کێڵگەی ڕومەیلە دەکەوێتە شاری بەسڕە لە باشووری عێراق، بە یەکێک لە گەورەترین کێڵگەکانی بەرهەمهێنەری نەوت لە جیهاندا دادەنرێت، بە ڕێژەی بەرهەمهێنانی 1.3 ملیۆن بەرمیل لە ڕۆژێکدا و نزیکەی 40%ـی کۆی بەرهەمی نەوتی عێراق پێکدێنێت.