پێشبینی دەکرێت تا 75 ساڵی دیکە شەش ملیۆن ئەوروپی گیان لەدەست بدەن

ئاڤا نیوز

 

زانایانی کۆلێژی پزیشکیی لەندەن پێشبینی ئەکەن، بەهۆی گۆڕانکارییەکانی کەشوهەوا، نزیکەی 5 ملیۆن و 800 هەزار ئەورووپی بەهۆی گەرماوە تا  ساڵی 2099 گیان لەدەست بدەن.

 

ئەوەی پێشبینی دەکرێت: شارەکانی باشووری ئەورووپا، دەریای سپی ناوەڕاست و بەڵقان و ئەمانە زیاتر کاریگەری گۆڕانکارییەکانی کەشوهەوایان لەسەر بێت.

 

ژمارەکان وادەڵێن: بەتایبەتی شاری بەرشەلۆنەی ئیسپانیا پێشبینی دەکرێت بەهۆی بەرزبوونەوەی پلەکانی گەرما 246 هەزار و 82 کەس گیان لەدەست بدەن، ئینجا دوای ئەو شاری ڕۆما 147 هەزار و 278 کەس، ناپۆلی 147 هەزار و 248 کەس، مەدریدیش 129 هەزارو 716 گیان لەدەست بدەن.

 

قوڵتر: ئینجا ناوچەکانی باکووری ئەورووپاش وەکو بەریتانیا و ئەسکەندەنافیا لەوێ دۆخەکە جیاوازە، ئەمجارە بەهۆی سەرماوە ڕەق ئەبنەوە و گیان لەدەست ئەدەن، بۆ نموونە لە لەندەن پێشبینی ئەکریت، 103 هەزارو 320 کەس  ڕەق ببنەوە و 75 هەزار و 864 کەسیش بەهۆی بەرزبوونەوەی پلەکانی گەرماوە گیان لەدەست بدەن.