ئاڵنگاریی سیاسی و دارایی بۆ یەکگرتنەوەی پێشمەرگە هەیە

ئاڤا نیوز

بڕیارە تاوەکو کۆتایی ئەمساڵ پرۆسەی یەکگرتنەوەی هێزەکانی پێشمەرگە کۆتایی بێت، ئەمینداری گشتیی هێزەکانی پێشمەرگەش لەمبارەیەوە دەڵێت "نیەتەکە وایە، بەڵام ڕێکاری کردەیی ماوە".

وێنە گەورەکە: کابینەی نۆی حکومەتی هەرێمی کوردستان، گرنگی زۆری بە یەکخستنەوەی هێزەکانی پێشمەرگە داوە، بەگوێرەی لەیەکگەیشتنی نێوان وەزارەتی پێشمەرگە و هێزەکانی هاوپەیمانان، تاوەکو کۆتایی ئەمساڵ دەبێت هەموو هێزەکانی پیشمەرگە یەکخرابن، بنەمای سەرەکی بەردەوامی هاوکارییەکانی هاوپەیمانانیش بۆ پێشمەرگە، جێبەجێکردنی ئەو خاڵەی ڕێککەوتنەکەیە.

لێدوانی فەرمی: لیوا بەختیار محەممەد، ئەمینداری گشتیی هێزەکانی پێشمەرگە، بە ئاڤا نیوزی ڕاگەیاند: بڕیارەکە بەو جۆرەیە تاوەکو کۆتایی ئەمساڵ پڕۆسەی یەکگرتنەوەی هێزەکان کۆتایی بێت، بەڵام کاتێک دێینە سەر پراکتیک ئەوا ڕێکارە کردەییەکەی ماوە. هەروەها ئاڵنگاری دارایی، سیاسیی، لۆجستی، پڕۆفیشناڵی دێنە پێش، بەڵام چارەسەرکردنیان مەحاڵ نییە، وانین تاوەکو بڵێین ناتوانین چارەسەریان بکەین".

زانیاری زیاتر: یەکەکانی 70 و 80 بۆ فەرماندەیی دەڤەر دەگۆڕدرێن، هەنگاوەکان بۆ ئەو مەبەستە بەهێواشی بەرەوپێش دەڕۆن، تاوەکو کۆتایی ئەمساڵیش دەبێت تەواوبکرێن.