میت کوشتنی بەرپرسێکی دیکەی یەپەگەی لە سووریا ڕاگەیاند

ئاڤا نیوز

دەزگای هەواڵگریی تورکیا (میت) کوشتنی بەرپرسێکی دیکەی یەپەگەی بە ناوی" شیراز عومەر" لە سووریا ڕاگەیاند.

چیڕۆکی سەرەکی: دەزگای هەواڵگریی تورکیا کوشتنی "شیراز عومەر ناسراو بە "سۆزدار عەفرینی" ڕاگەیاند و دەڵێن، یەکێک بووە لە داواکراوەکان و لە ئۆپەراسیۆنێکدا لەسەر ڕێگای ڕومێیلان-مالیکییە لە سووریا بە درۆن بە ئامانج گیراوە.

ڕاگەیێنراوی فەرمی: (میت) لە بڵاوکراوەیەکدا ڕایگەیاندووە: "شیراز عومەر، لە ناو ڕیزەکانی یەپەگە چەندین بەرپرسیارێتی رێکخستنی هەبووە لە نێوانیاندا بەرپرسی پێکهاتەی دارایی بووە و چەندین چالاکیشی لە دژی هێزەکانی تورکیا کردووە".

لە لایەکی دیکەوە: یەپەگە لە ڕاگەیێندراوێکدا بڵاویکردووەتەوە، کە لە دوێنێ سێشەمە 2025-1-28ـەوە تاوەکو ئەمڕۆ چوارشەممە، لە پێکدادانی دەوروبەری بەنداوی تشریندا، 13 چەکداری نزیک لە تورکیا کوژراون.

باکگراوند: ڕۆژی 2025-1-25، سەکردایەتی گشتیی یەکینەکانی پاراستنی ژنان (یەپەژە) کوژرانی یەکێک لە فەرماندەکانی لە بەنداوی تشرین بەناوی ئارژین کۆبانێ، لە ڕووبەڕووبوونەوەیەکدا لەگەڵ گرووپەکانی نزیک لە تورکیا ڕاگەیاند.