نێچیرڤان بارزانی و باڵیۆزی فەرەنسا لە عێراق پێشهاته‌كانى گفتوگۆى نێوان هه‌ولێر و به‌غدایان تاوتوێكرد

ئاڤا نیوز

ئەمڕۆ چوارشەممە نێچیرڤان بارزانی پێشوازی لە پاتریک دۆرێل، باڵیۆزی فەرەنسا لە عێراق کرد و جەختیان لە چاره‌سه‌ركردنى كێشه‌كانى نێوان هەولێر و بەغدا له‌سه‌ر بنه‌ماى لێكگه‌يشتن و ده‌ستوور کرد.

چیرۆکی سەرەکی: نێچيرڤان بارزانى، سه‌رۆكى هه‌رێمى كوردستان له‌ ديدارێكدا له‌گه‌ڵ پاتريك دۆرێل باڵيۆزى فه‌ره‌نسا له‌ عێراق، ده‌رباره‌ى په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان، په‌يوه‌ندييه‌كانى هه‌ولێر و به‌غدا، هه‌وڵه‌كانى پێكهێنانى كابينه‌ى نوێى حكومه‌تى هه‌رێمى كوردستان و دۆخى سووريا و ناوچه‌كه‌، بيروڕايان گۆڕييه‌وه‌.

ڕاگەیێنراوی فەرمی: بەگوێرەی ڕاگەێنراوی سەرۆکایەتیی هەرێمی کوردستان، له‌ ديداره‌كه‌دا:

- دوايين پێشهاته‌كانى گفتوگۆى هه‌ولێر و به‌غدا و تيمه‌كانى هه‌ردوولايان تاوتوێكرد، هاوڕا بوون له‌سه‌ر گرنگيى به‌رده‌واميى گفتوگۆى لايه‌نه‌ په‌يوه‌نديداره‌كانى هه‌رێمى كوردستان له‌گه‌ڵ حكومه‌تى فيدراڵى عێراق بۆ چاره‌سه‌ركردنى كێشه‌كانى نێوانيان له‌سه‌ر بنه‌ماى لێكگه‌يشتن و ده‌ستوور.

- هه‌ردوولا بيروبۆچوونيان ده‌رباره‌ى دۆخى سووريا، دوايين پێشهاته‌كانى و پرسى كورد له‌و وڵاتە‌ تاوتوێ كرد. جه‌ختيان له‌ گرنگيى ته‌بايى و يه‌كده‌نگيى كورد و پاراستنى مافه‌كانى ته‌واوى پێكهاته جيا‌جیاكان له‌ سوورياى نوێدا كرده‌وه‌.

- گرنگیی پاراستنى ئارامى، سه‌قامگيرى له‌ ناوچه‌كه‌ و مه‌ترسييه‌كانى تيرۆر و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى ديداره‌كه‌ بوو كه‌ كونسوڵى گشتيى فه‌ره‌نسا له‌ هه‌رێمى كوردستان ئاماده‌ى بوو.