سیاسەتمەدارێكی عێراق هۆشداری گۆڕانکاریی خێرا دەدات

ئاڤا نیوز

ئەمینداری گشتی بزووتنەوەی "ئەلوەفا"ـی عێراقی سەبارەت بە سیاسەتی نوێی دەرەوەی ئەمەریکا هۆشداری بەدەسەڵاتدارانی عێراق دەدات و دەڵێت، کارەساتە وەستان لەسەر گردێک کە ڕەنگە بە واژۆیەک بڕووخێت.

لێدوانی فەرمی: عەدنان زورفی، ئەمینداری گشتی بزووتنەوەی "ئەلوەفا"ـی عێراقی لە پۆستێکیدا لە پلاتفۆرمی "X" نووسیویەتی:

- بەگوێرەی سیاسەتی ناوخۆ و دەرەوەی ئەمریکا جیهان گۆڕانکاری خێرای بەسەردا دێت، ئەمەش وایکردووە هەموو وڵاتانی جیهان بە زلهێزەکانیشەوە بە گرنگییەوە بڕواننە ئەو سیاسەتە نوێیەی ئەمریکا. 

- سەردەمێکی نوێی ململانێ درووستبووە و پایتەختەکەی ئەو هێزەیە کە ئاشتی و ئابووری و وزە بەدەست دەهێنێت، بۆیە پێویستە لەمەودوا دەسەڵاتداران حەکیمانە لەپێناو بەرژەوەندی هاووڵاتیان بیربکەنەوە .