لە شارەزوور سەگێکی بێلانە پەلاماری کارمەندێکی تەندروستی دەدات

ئاڤا نیوز

 

سەگێکی بێلانە پەلاماری کارمەندێکی نەخۆشخانەی شەهید ڕەئووف بەگ دەدات لە شارەزوور و دەنگدانەیەوەکی زۆری لە سۆشیال میدیادا بەدوای خۆیدا هێناوە.

 

وێنە گەورەکە: دیاردەی پەلاماردان و گەستن لەلایەن سەگی بێلانە لە شەقام و كۆڵانەكانی شار و شارۆچكەكانی هەرێمی كوردستان بەردەوامە، هەرچەندە چەندین شەڵتەری تایبەت بە کۆکردنەوەی سەگی بێلانە هەن، بەڵام تاوەکو ئێستا مەترسیی پەلاماردانیان بنبڕ نەکراوە.

لێدوانی فەرمی: کەمال تاوگۆزی، بەرپرسی بەشی ڕاگەیاندنی نەخۆشخانەی شەهید ڕەئووف بەگ بە ئاراس رەفیق، پەیامنێری ئاڤا میدیای ڕاگەیاند: کارمەندێکیان لەلایەن سەگی بێڵانەوە پەلامار دراوە، بەڵام کارمەندەکەی نەگەستووە و ئێستا سەلامەتە.

 

زانیاریی زیاتر: کارمەندەکە ناوی سامان سابیرە، لێپرسراوی هۆبەی فریاکەوتنی نەخۆشخانەکەیە، هۆکاری پەلاماردانەکەش بۆ ئەوە دەگەڕێتەوە کە بەشێک لە حەوشەی نەخۆشخانەکە ڕووخاوە، سەگە بێڵانەکان بە ئاسانی دەتوانن بێنە ناو باڵەخانەکەوە.