بە ئامادەبوونی سەرۆكوەزیران بارزانی رێوڕەسمی ساڵڕۆژی شەهیدانی یەکی شوبات لە هەولێر بەڕێوەدەچێت

ئاڤا نیوز

21 ساڵ بەسەر تەقینەوەکانی یەكی شوبات دا تێپەڕدەبێت و سەرۆکوەزیران مەسرور بارزانی، لە ڕێوڕەسمی ساڵیادی شەهیدانی ئەو ڕۆژە بەشدار دەبێت.

چیرۆکی سەرەکی: بڕیارە ئەمڕۆ شەممە 2025-02-01 بە ئامادەبوونی سەرۆکوەزیران مەسرور بارزانی ڕێوڕەسمی ساڵڕۆژی تەقینەوەکانی لقی دووی پارتی دیموكراتی كوردستان و مەڵبەندی سێی یەکێتی نیشتمانیی كوردستان لە هەولێر بەڕێوەدەچێت.

ئەوەی پێویستە بیزانیت: یەكی شوباتی ساڵی 2004 کە یەکەم رۆژی جەژنی قوربانیش بوو، لە هەردوو بارەگاکەی پارتی و یەکێتی دوو تەقینەوەی خۆکوژی ڕوویاندا، تێیدا چەندین سەرکردە و خه‌ڵكی بێتاوان گیانیان لەدەستدا و بریندار بوون.

زانیاریی زیاتر: لە هەردوو تەقینەوەکەدا 103 کەس شەهید بوون و 246 کەسی دیکەش برینداربوون.