دوای مانگی حوزەیران مامەڵەی زەوییە سندووقییەكان دەوەستێت

ئاڤا نیوز

لیژنەی وردبینی زەوییە سندووقییەکان ڕایگەیاند، تەنیا سێ مانگ لەبەردەم هاووڵاتییان ماوە بۆ نوێکردنەوەی مامەڵەی زەوییەکانیان و دوای ئەو ماوەیە مافیان دەفەوتێت.

 

ڕاگەیێنراوی فەرمی: لیژنەی وردبینی زەوییە سندووقییەکان ڕایگەیاند: ئاگاداری ئەو هاووڵاتییانە دەکەینەوە کە خاوەنی زەوی سندووقین لە سنووری شارەوانییەکانی پارێزگای هەولێر و تا ئێستا مامەڵەیان نەکردووە، تا 01-06-2024 پێویستە مامەڵەکانیان پێشکەش بە سەرۆکی یەکە کارگێڕییەکان بکەن.

زانیاریی زیاتر: بەگوێرەی ڕاگەیێنراوەکە، ئەو کەسانەی دوای مانگی حوزەیران مامەڵە پێشکەش دەکەن، لە سەرۆکی یەکە کارگێڕییەکان مامەڵەکانیان وەرناگیرێت.

 

ئەوەی پێویستە بیزانیت: زەوی سندووقی، ئەو زەوییانەن کە چەپ و ڕاستی بەشێوەی زێدەڕۆ کراون بە خانوو، بەڵام تائێستا رێگە نەدراوە زەوییە سندووقیەكە بکرێتە خانوو. 

بۆچی گرنگە: بەشێک لەهاووڵاتییان هێشتا مامەڵەی زەوییەکانیان نوێ نەکردووەتەوە و ئەم بڕیارە هاندەر دەبێت بۆ ئەوەی بەدەم مامەڵەکانیانەوە بچن.