نووسینگەیەک بۆ پڕۆژەی "ڕێگای گەشەپێدانی  تورکیا- عێراق" دەکرێتەوە

ئاڤا نیوز

وەزیری گواستنەوە و ژێرخانی تورکیا ڕایگەیاند، نووسینگەیەکی هاوبەش بۆ "ڕێگای گەشەپێدانی  تورکیا- عێراق" دەکرێتەوە. 

لێدوانی فەرمی: عەبدولقادر ئورالئۆغڵو، وەزیری گواستنەوە و ژێرخانی تورکیا ڕایگەیاند: دەسەڵاتدارانی تورکیا و عێراق لە نزیکەوە و بە چڕی کار لەسەر پرۆژەی ڕێگای گەشەپێدان دەکەن و "رێککەوتن لەسەر کردنەوەی نووسینگەیەکی هاوبەش لەنێوان هەردوو وڵات بۆ بەدواداچوونی پڕۆژەی ڕێگای گەشەپێدان کراوە". 

بۆچی گرنگە: پرۆژەی ڕێگای گەشەپێدانی  تورکیا- عێراق، ئاسانکاریەکی زۆرە بۆ گواستنەوەکانی نێوان هەردوو وڵات و پرۆسەی گواستنەوەی بارەکان لە ماوەی 25 رۆژدا تەواو دەبن.

زانیاريی زیاتر: ئەو بارانەی لە وڵاتانی ڕۆژهەڵاتی ئاسیا و کەنداوی فارسەوە دێن بۆ بەندەری فاو لە بەسڕە لە باشووری عێراق دروستکراوە، دەگوازرێنەوە بۆ تورکیا و لەوێشەوە بۆ ئەوروپا .

ئەوەی پێشبینی دەکرێت: لە ساڵی 2022 ە وە ژێرخانی ئەو پڕۆژەیە دانراوە و پێشبینی دەکرێت لە ماوەی چوار ساڵدا تەواو بێت، پلان هەیە نزیکەی هەزار و 200 کیلۆمەتر ڕێگای دوولایەنە و هێڵی ئاسن دروست بکرێت کە لە بەندەری فاوی بەسڕە دەگاتە وڵاتەکە.

ئەوەی پێویستە بیزانیت: ساڵی 2028، خاڵی دەستپێکی پرۆژەکە دەبێت کە دروستکردنی کۆمەڵێک ڕێگاوبان، هێڵی ئاسنین، بەندەر و شاری نوێ لەخۆدەگرێت، هەروەها ماوەی گەشتەکانی نێوان ئاسیا و ئەورووپا لە ڕێگای تورکیاوە کورت دەکاتەوە.