ئەحمەد شەرع بە بەستنی دوو بۆینباخی جیاواز سەردانی سعودیە و تورکیای کرد

ئاڤا نیوز

 

ئەحمەد شەرع، سەرۆکی سووریا بۆ قۆناغی ڕاگوزەر لەمیانی دوو سەردانیدا بۆ هەریەک لە وڵاتانی سعودیە و تورکیا؛ بە بەستنی دوو بۆینباخی ڕەنگ جیاواز سەرنجی میدیا و شرۆڤەکارانی بۆلای خۆی ڕاکێشا کە هەریەکەیان مەبەست لێی گەیاندنی پەیامێکی دیپلۆماسی بوو بەو دوو وڵاتە.

 

وێنە گەورەکە: ڕۆژی یەکشەممەی ڕابردوو ئەحمەد شەرع، سەرۆکی سووریا بۆ قۆناغی ڕاگوزەر سەردانی سعودیەی کرد و دوو ڕۆژ دواتریش سەردانی تورکیای کرد و لەگەڵ ڕەجەب تەیب ئەردۆغان کۆبووەوە؛ شەرع لەیەکەم سەردانیدا بۆ سعودیە و لەمیانی کۆبوونەوەی لەگەڵ محەممەد بن سەلمان بۆینباخێکی ڕەنگی سەوزی بەست بوو، بەڵام لە دووەمین سەردانیدا بۆ لای دراوسێکەی کە تورکیایە ڕەنگی بۆینباخەکەی گۆڕی  و کردیە بۆینباغێکی سووری مەیلە و جەرگی و بەوشێوەیە لەگەڵ ئەردۆغان و بەرپرسانی تورکیا دەرکەوت.

 

ئەوەی پێویستە بیزانیت: بە بەستنی بۆینباخە سەوزەكەی لە سعودیە؛ نیشاندانی  دۆستایەتیی شەرع و وڵاتەكەی بوو  لەگەڵ سعودیە و پەیامێك بوو کە پێیانی گوتن: دۆستی ئێوەم.

 

زانیاریی زیاتر: بە بەستنی بۆینباغە سوورە مەیلە و جەرگییەکە کە هەمان ڕەنگی ئاڵای تورکیایە گەیاندنی پەیامێکی دیپلۆماسی بوو بە تورکیا و سەرۆکەکەی کە بەهەمان شێوەی سعودیە، تورکیاش دۆستی نزیکی ئێمەن.

 

لەلایەکی دیکە: بەپێی زانیارییەكان، ئامانجی  سەردانی ئەحمەد شەرع بۆ توركیا ئەوەیە كە داوای پاڵپشتیکردن بۆ بوونیادنانی سووریا داهاتوو لە تورکیا دەکات و پێشبیینی ئەنجامدانی ڕێككەوتنێکی نوێ لەنێوان تورکیا و سووریا دەکرێت.

 

بەپێی میدیاكانی تورکیا بەمشێوەیە ئاماژە بە ناوەڕۆکی ڕێکكەوتنە نوێیەکە دەکەن لەگەڵ سووریا:
•    تورکیا ڕاهێنان بە هێزی سەربازی و فڕۆکەوانە سوورییەکان دەکات.
•    تورکیا دوو بنکەی سەربازی لە سووریا دادەمەزرێنێت.
•    تورکیا فرۆکەی شەڕکەری F-16  لە سووریا جێگیر دەکات.
هاوکات پرسیکی دیکەی کۆبوونەوەکانیان لەبارەی  بوونیادنانەوەی سوریا، پرسی کورد و پاراستنی سنورەکانی هەردوو وڵات دەبێت.