کوردێک وەک ئەندامی نوێی ئەنجوومەنی کۆمیسیاران دیاریدەکرێت

ئاڤا نیوز

جێگری سەرۆکی دادگەی تێهەڵچوونەوەی هەولێر لەبەردەم سەرۆکی ئەنجوومەنی باڵای دادوەریی عێراق سوێندی یاسایی خوارد و وەک ئەندامی نوێی ئەنجوومەنی کۆمیسیاران لە کۆمیسیۆنی هەڵبژاردنەکانی عێراق دەستبەکاربوو.

ئەوەی پێویستە بیزانیت: ئەندامانى ئەنجوومەنى کۆمیسیاران لە نۆ کەس پێکدێن کە دووانیان کورد و دووانیان عەرەبی سوننە و پێنجەکەى دیکەش لە پێکهاتەى عەرەبی شیعەن.

ڕاگەیێنراوی فەرمی: ئەنجوومەنی باڵای دادوەری عێراق بڵاویکردەوە، عەمماد فارس، جێگری سەرۆکی دادگەی تێهەڵچوونەوەی هەولێر ئەمڕۆ لەبەردەم دادوەر فایەق زێدان، سەرۆکی ئەنجوومەنی باڵای دادوەری سوێندی یاسایی خوارد و وەک ئەندامی نوێی ئەنجوومەنی کۆمیسیاران لە کۆمیسیۆنی هەڵبژاردنەکانی عێراق دەستبەکاربوو.