حاجییانی ئەمساڵ لە هەڵبژاردن بێبەش دەبن

ئاڤا نیوز

 

دوو هەفتە پێش دەستپێکردنی پرۆسەی هەڵبژاردنی کوردستان، یەکەم گەشتی حاجییانی کوردستان بۆ سعودیە دەستپێدەکات و تاوەکو کۆتاییەکانی مانگی حوزەیران لەو وڵاتە دەمێننەوە، بەمەش ناتوانن بەشداری بکەن. 

 

وێنە گەورەکە:  ئەمساڵ چوار هەزار و 685 کەس لە کوردستان بۆ ئەنجامدانی فەریزەی حەج سەردانی سعودیە دەکەن، هەڵبژاردنی کوردستانیش سەرەتای مانگی حوزەیران بەڕێوەدەچێت و بەمەش ئەو کەسانە ناتوانن بەشداری لەو پرۆسەیەدا بکەن.

 

لێدوانی فەرمی: "بڕیارە 26-5-2024 یەکەم کاروانی حاجییانی هەرێمی کوردستان بەمەبەستی ئەنجامدانی فەریزەی حەج سەردانی سعودیە بکەن، بەم هۆیەوە چوار هەزار و 685 هاونیشتمانی لە بەشداریکردنی هەڵبژاردنی پەرلەمانی کوردستان بێ بەش دەبن کە 10-6-2024 ئەنجامبدرێت". شێخ نیاز نه‌قشبه‌ندی، به‌ڕێوه‌به‌ری گشتیی حه‌ج و عومره‌ی هه‌رێمی كوردستان بە ئاڤا نیوزی گوت.

 

ئەوەی پێشبینی دەکرێت: یەکەم گەشتی حاجییان بۆ سعودیە 26-5-2024 بە ڕێگەی وشکانی دەبێت و ڕۆژی چواری حوزەیرانیش لە ڕێگەی ئاسمانییەوە  گەشتەکانیان دەستپێدەکات.