کۆریای باکوور چەکەکانی لە شەڕی ئۆکراینا تاقیدەکاتەوە

ئاڤا نیوز

 

دوای ئەوەی لەماوەی ڕابردوودا کۆریای باکوور چەک و کەرەستەی سەربازیی ڕادەستی ڕووسیا کرد، ئێستا کۆریای باکوور شەڕی نێوان ڕووسیا و ئۆکراینا وەک دەرفەتێک دەبینێت تاوەکو وردبینی و توانای مووشەکەکانی زیاتر بکات.

زانیاریی بەدەستهاوو: چەند سەرچاوەیەکی ئۆکراینی بە ئاژانسی ڕۆیتەرزیان ڕاگەیاندووە، ئەو مووشەکە بالیستیکیانەی کۆریای باکوور کە مانگی دیسێمبەری ڕابردوو لەلایەن ڕووسیاوە ئاراستەی ئۆکراینا کران، وردییان لە پێکانی ئامانجەکان زۆر زیاترە بە بەراورد بەوانەی کە بە درێژایی ساڵی ڕابردوو لە شەڕەکەدا بەکار هێنراون.

زانیاریی زیاتر: بەگوێرەی سەرچاوەکان کۆریای باکوور لە ڕێگەی یارمەتیدانی ڕووسیاوە سوودی لە شەڕی ئۆکراینا بینیوە تا توانا و وردیی مووشەکە بالیستیکییەکانی لە پێکانی ئامانجەکان زیاتر بکات.

 

بۆچوونی لایەنی بەرامبەر: بەگوێرەی سەرچاوە ئۆکراینییەکان وردیی ئەم مووشەکانە ئێستا گەیشتووەتە ئاستێک کە لە دەتوانن ئامانجەکەیان بە درووستی، یان بە 50 تاوەکو 100 مەتر دوورتر لە شوێنی ئامانجەکە، بپێکن.