عێراق ڕاگواستنی خەڵکی غەززە بۆ دەرەوەی فەلەستین ڕەتدەکاتەوە

ئاڤا نیوز

 

لە بەیاننامەیەکدا وەزارەتی دەرەوەی عێراق،  هەموو پلانێک بۆ ڕاگواستنی هاووڵاتییانی کەرتی غەززە بۆ دەرەوەی فەلەستین ڕەتدەکاتەوە.

 

چیرۆکی سەرەکی: دۆناڵد ترەمپ، سەرۆکی ئەمریکا پلانێکی خستەڕوو بۆ ڕاگواستنی ئاوارەکانی کەرتی غەززە بەرەو میسر و ئوردن، لە بەرامبەردا هەر یەکە لە عەبدولفەتاح سیسی، سەرۆکی میسر و شا عەبدوڵای دووەم، شای ئوردن، پلانی گواستنەوەی ئاوارەکانی غەززەیان لە فەلەستینەوە بۆ وڵاتەکانیان ڕەتکردەوە.

 

ڕاگەیێنراوی فەرمی: وەزارەتی دەرەوەی عێراق بەیاننامەیەکی بڵاوکردەوە و داوای لە کۆمەڵگەی نێودەوڵەتی کرد بەرپرسیارێتی ئەخلاقی و یاسایی خۆی لە ئەستۆ بگرێت و بە توندی بەرامبەر هەر هەوڵێک بۆ ئاوارەبوون و ڕاگواستنی فەلەستینییەکان لە خاکی خۆیان بوەستێتەوە. 

 

زانیاریی زیاتر: وەزارەتی دەرەوەی عێراق ئاماژە بەوەش دەکات،  ئەم جۆرە بانگەوازانە پێشێلکارییەکی ئاشکرای یاسا نێودەوڵەتییەکان و مافە زەوتکراوەکانی گەلی فەلەستین بۆ خاک و زێدی خۆیان نیشان دەدەن. 

 

باکگراوند: لەسەر هەمان پرس وەزیری دەرەوەی بەریتانیا بەپێویستی زانی داهاتووی فەلەستینییەکان لە وڵاتی خۆیاندا مسۆگەر بکرێت.