ئەمریکا سزای ئەو کەشتییە نەوت هەڵگرانە دەدات کە نەوتی ئێران دەگوازنەوە

ئاڤا نیوز

 

وەزارەتی دارایی ئەمریکا ڕایگەیاند، سزای نوێ بەسەر ژمارەیەک کەس و کەشتیی نەوتهەڵگردا دەسەپێنێت کە ساڵانە ملیۆنان بەرمیل نەوتی ئێران بۆ چین دەگوازنەوە.

وێنە گەورەکە: بازرگانی نەوت لەنێوان ئێران و چین بە یەکێک لە فاکتەرە گرنگ و ستراتیژییەکانی نێوان هەردوو وڵات دادەنرێت بۆ پتەوکردنی پەیوەندییەکانی نێوان لە ڕووی ئابووری و سیاسییەوە، لەماوەی چوارساڵی ڕابردوودا هەناردەی نەوتی ئێران بۆ چین بەشێوەیەکی بەرچاو ڕووی لە زیادبوون کردووە.

 

ڕاگەیێنراوی فەرمی: وەزارەتی دارایی ئەمریکا ڕایگەیاند، ڕێگە لە هەناردەی ئەو نەوتە دەگرێت کە لەلایەن سوپای ئیرانەوە لە ڕێگەی کۆمپانیایەکی درووستکراوی خۆیەوە نەوت دەنێرێتە دەرەوە، ئەمریکا پێشتر لە ساڵی 2023 ئەو کۆمپانیایەی سزا دابوو. 

 

زانیاریی زیاتر: دەرکردنی ئەم سزایە دوای ئەوە دێت دۆناڵد ترەمپ، سەرۆکی ئەمریکا، ڕایگەیاند، بۆ ڕێگریکردن لەوەی ئێران ببێتە خاوەن چەکی ئەتۆمی، هەناردەی نەوتی ئێران دەگەیێنێتە ئاستی سفر.