پێنجەمین گەڕی ئاڵوگۆڕی بارمتە و زیندانیکراوەکانی نێوان حەماس و ئیسرائیل بەڕێوە دەچێت

ئاڤا نیوز

 

بزووتنەوەی حەماس ناوی سێ بارمتەی ئیسرائیل بڵاوکردەوە، کە بڕیارە سبەی شەممە لەچوارچێوەی قۆناغی یەکەمی ئاگربەستی غەززە لەبەرامبەر 183 زیندانیکراوی فەلەستینی ئازاد بکرێن. 

 

وێنە گەورەکە: بەردانی بارمتە ئیسرائیلییەکان بەشێکە لە ڕێککەوتنی ئاگربەستی غەززە بەهۆیەوە شەڕ دەوەستێت و ئاڵوگۆڕ بە بارمتە و زیندانیان دەکرێت و بەپێی ڕێککەوتنەکە سوپای ئیسرائیل لە کەرتی غەززە دەکشێتەوە.

 

ڕاگەیێنراوی فەرمی: ئەبو عوبەید، گوتەبێژی حەماس، ڕایگەیاند: سبەی شەممە سێ بارمتەی ئیسرائیلی بە ناوەکانی، ئیلیاهۆ شەرابی، ئۆهاد بن عامی و ئۆر لیفی ئازاد دەکرێن، لەبەرامبەردا ئیسرائیل بڕیارە 183 زیندانیکراوی فەڵەستینی ئازاد بکات.

 

زانیاریی زیاتر: بە ئازادکردنی ئەو سێ بارمتە ئیسرائیلییە، هەردوولا پێ دەنێنە پێنجەمین گەڕی ئاڵوگۆڕی بارمتە و زیندانیکراوەکانی نێوان حەماس و ئیسرائیل. 

 

ئەوەی پێویستە بیزانیت: عەبدولەتیف قانوع، وتەبێژی بزووتنەوەی حەماس، ڕۆژی سێشەممە دەستپێکی دانووستانەکانی بۆ قۆناغی دووەمی ئاگربەست ڕاگەیاند.