کەشتی یۆنانی خەریکە ئاسەواری نامێنێت

ئاڤا نیوز

 

کەشتی یۆنانی کە سیما و ڕەمزی دوورگەی کیشە لە وڵاتی ئێران، دوای 60 ساڵ لەمانەوەی لەناو ئاوی دەریادا خەریکە بەتەواوی لەناو دەچێت.

 

چیرۆکی سەرەکی: دوورگەی کیش یەکێکە لەناوچە جوان و سەرنجڕاکێشەکانی وڵاتی ئێران، ساڵانە دەیان و هەزاران کەس و گەشتیار لە وڵاتانی ناوچەکە و هەرێمی کوردستانیشەوە سەردانی دەکەن.

 

زانیاریی زیاتر: کەشتی یۆنانی کە نزیکەی 60 ساڵە لەمەوبەر و دروست لە ساڵی 1966ەوە لە قەراغی دوورگەکە چەقیوە، ئەمەش بووەتە شوێنەوارێکی مێژووی و ڕەمەزی کیشە، هەر گەشتیارێکیش بچێتە ئەو ناوچەیە وێنەیەکی لەگەڵ دەگرێت. 

 

ئەمەش بزانە: بەهۆی کۆنی و نۆژەن نەکردنەوەی بەشێوەیەکی دروست، کەشتییەکە وردە وردە بەرەو لەناوچوون دەچێت و زۆربەی تێکشکاوە، ئەمەش بەهۆی ئەوەی بەردەوام لەناو ئاودابووە و خوێی دەریا ئاسنی کەشتییەکەی لاواز کردووە و لەناوەڕاستەوە بووتە دوو کەرت.