عێراق پلانی ئیسرائیل بۆ دامەزراندنی دەوڵەتێک بۆ فەلەستینییەکان لە سعودیە ڕەتدەکاتەوە

ئاڤا نیوز

 

وەزارەتی دەرەوەی عێراق پلانی ئیسرائیل بۆ دامەزراندنی دەوڵەتی فەلەستین لە سعودییە ڕەتدەکاتەوە و دەڵێت لێدوانەکانی ئیسرائیل لەوبارەیەوە "هەراسانکەرە".

 

وێنە گەورەکە: بنیامین نەتەنیاهۆ، سەرۆکوەزیرانی ئیسرائیل لە چەند ڕۆژی ڕابردوودا ڕایگەیاندبوو، سعودیە زەوییەکی پان و بەرینی هەیە و دەتوانێت لەوێ دەوڵەتێک بۆ فەلەستینییەکان دروست بکات.

 

لێدوانی فەرمی: وەزارەتی دەرەوەی عێراق ڕایگەیاند، "بەغدا بە هەموو شێوەیەک لێدوانەکانی بنیامین نەتەنیاهۆ، سەرۆکوەزیرانی ئیسرائیل لەبارەی دروستکردنی دەوڵەتی فەڵەستین لەسەر خاکی سعودیە ڕەتدەکاتەوە".

زانیاریی زیاتر: عێراق لە ڕاگەیێندراوەکەی وەزارەتی دەرەوەدا بەتوندی ئەو لێدوانەی سەرۆکوەزیرانی ئیسرائیل ڕەتدەکاتەوە و دەڵێت، بەهەموو شێوەیەک دژی ئەوەین سەرەوەری خاکی سعوودیە پێشێل بکرێت و هەڕەشە لە مافی ڕەوای گەلی فەلەستین بکرێت. 

 

لەلایەکی دیکە: عێراق لێدوانەکانی نەتەنیاهۆ بە پێشێلکردنی یاسای نێودەوڵەتی و پەیماننامەی نەتەوە یەکگرتووەکان دەزانێت.