لە بەغدا باندێکی بازرگانیکردن بە جەستەی مرۆڤ دەستگیر کرا

ئاڤا نیوز

 

لە ئۆپەراسیۆنێکی ھێزە ئەمنییەکانی عێراق لە ڕۆژئاوای بەغدا، سێ کەس بە تۆمەتی بازرگانیکردن بە جەستەی مرۆڤ دەستگیر کران.

 

ڕاگەیێنراوی فەرمی: وەزارەتی ناوخۆی عێراق ڕایگەیاند، بە پشت بەستن بە زانیارییە ھەواڵگرییەکان، ھێزەکانی بەرەنگاربوونەوەی بازرگانیکردن بە جەستەی مرۆڤ سەر بە وەزارەتی ناوخۆی عێراق، ئۆپەراسیۆنێکیان لە ناوچەی کەرخی بەشی ڕۆژئاوای بەغدا، بۆ سەر باندێکی بازرگانیکردن بە جەستەی مرۆڤ ئەنجامداوە و توانراوە سێ بازرگان دەستگیر بکەن.

 

زانیاریی زیاتر: : پێشتر بەپێی حوکمەکانی ماددەی شەش لە یاسای بەرەنگاربوونەوەی بازرگانیکردن بە جەستەی مرۆڤ، بڕیاری دەستگیرکردن بۆ تۆمەتبارەکان دەرکرابوو.