سەرۆککۆمار لەسەر مووچە سکاڵا لەسەر سوودانی و تەیف سامی تۆمار دەکات

 

ئاڤا نیوز

د. لەتیف رەشید سەرۆککۆماری عێراق لە بارەی مووچەی فەرمانبەرانی هەرێمەوە سکاڵایەکی یاسایی لە دادگای فیدڕاڵی عێراق، لەسەر سەرۆکوەزیران و  وەزارەتی دارایی عیراق تۆمارکرد.

لێدوان فەرمی: هاوڕێ تۆفیق، ڕاوێژکاری سەرۆککۆماری عێراق، لە کۆنفرانسێکی ڕۆژنامەوانییدا ڕایگەیاند، د.لەتیف ڕەشید، سەرۆککۆماری عێراق لەدادگای باڵای فیدراڵی سکاڵای لەسەر محەممەد شیاع سوودانی و تەیف سامی تۆمارکرد و داوادەکات دادگا بڕیاری یەکلاکەرەوە لەسەر پرسی مووچەی هەرێمی دەربکات،  بەبێ هیج بیانوویەکی تەکنیکی و میزان موڕاجەعە و ئەو کۆتانەی بۆی دانراوە، و داوا دەکەین دادگای باڵا ئەمری وەلائی بۆ دابینکردنی مووچەی بێ مەرج بەتەواوی بۆ مووچەخۆرانی هەرێم دەربکات.

دادبینی سکاڵاکە رۆژی چوارشەممە 12ـی شوبات بەڕێوەدەچێت و پێشبینی دەکەین دادگا سەروارانە بریاری کۆتایی بدات.

ئەوەی پێویستە بیزانیت: سكاڵاكەی سەرۆككۆمار كە دادگای باڵای فیدراڵی عێراق بڵاویكردووەتەوە لە چوار خاڵ پێكهاتووە، بەم شێوەیە:

- داوادەكرێت فەرمانێكی وەلائی خێرا بە پابەندكردنی وەزارەتی دارایی عێراق بە خەرجكردنی مووچەی فەرمانبەرانی هەرێمی کوردستان.

- پابەندكردنی وەزارەتی دارایی عێراق بە خەرجكردنی مووچەی فەرمانبەرانی هەرێم بە شێوەیەكی بەردەوام بەبێ وەستان.

- سكاڵاكەی سەرۆككۆمار بۆ جێبەجێكردنی بەبانكیكردنی مووچەیە بە پێی رێنماییەكانی بەبانكیكردن.

- بەبانكیكردنی مووچەی فەرمانبەرانی هەرێم هاوشێوەی ئەو ڕێكارانە بێت كە لە حكومەتی عێراق دەگیرێنەبەر.