سوپاسنامەیەک لە خالید خۆشناوەوە بۆ هاونیشتمانیانی کوردستان

ئاڤا نیوز

 

خالید خۆشناو، خاوەنی هێمن گرووپ، سوپاسنامەیەک ئاراستەی سەرۆک بارزانی و هاونیشتمانیانی کوردستان دەکات، لەبەرامبەر بەشداریکردنیان لە پرسە و دەربڕینی هاوخەمی بۆ کۆچی دوایی "وەلید خالید".

 

ڕاگەیێنراوی فەرمی: خالید خۆشناو، خاوەنی هێمن گرووپ ڕایگەیاند، سوپاس پێزانینێکی زۆرمان بۆ سەرۆک بارزانی کە پەیوەندییەکەیان بۆ ئێمە سەبورییەکی گەورەبوو لەو ساتە سەختە، هەروەها سوپاسی نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکوەزیرانی کوردستان دەکەین. 

 

-    هاوکات سوپاسی ئەندامانی خانەوادەی بارزانی و هەموو چین و توێژەکانی خەڵکی دڵسۆزی هەرێمی کوردستان بەگشتی و سەرکردە و بەرپرسان و هێز و لایەنە سیاسییەکانی کوردستان و عێراق دەکەین، کە بە پەیوەندی و بەشداری هاوبەشییان لە پرسەی 'وەلیدی جوانەمەرگدا'، کرد و لە خەم و پەژارەیان کەمکردینەوە. 

 

-    خەڵکی وەفاداری کوردستان بەو هاوخەمی و هاوسۆزی و پەرۆشییەی لەگەڵ ئێمە نواندیان زۆر قەرزباریان کردین. 

 

-    بۆ هەموو شتێک سوپاسگوزاری پەروەردگارین و شانازی بەو ڕێز و هاوسۆزییەی کوردستانەوە دەکەین.