کونسوڵخانەی ڕووسیا لە ڕێگەی ئاڤاوە سەبارەت بە هاووڵاتییەکی کورد لە مۆسکۆ ڕوونکردنەوە دەدات

ئاڤا نیوز

کونسوڵخانەی ڕووسیا لە هەرێمی کوردستان سەبارەت بەو هاوڵاتییە کوردەی لە فڕۆکەخانەی نێودەوڵەتی مۆسکۆ دەستبەسەر کرابوو ڕوونکردنەوە بۆ ئاڤا دەدات.

چیرۆکی سەرەکی: دوێنێ یەکشەممە 2025-02-09، دوای دەستبەسەرکردنی هاوڵاتیەکی کورد لە فڕۆکەخانەی نێودەوڵەتی مۆسکۆ، ئاڤا میدیا لە ڕێگەی نوێنەرایەتی حکومەتی هەرێمی کوردستان لە ڕووسیا و کونسوڵخانەی ڕووسیا لە هەرێمی کوردستان  بەدواداچوونی بۆ کێشەی ئەو هاونیشتیمانییە کرد.

لێدوانی فەرمی: کونسوڵخانەی ڕووسیا لە هەرێمی کوردستان بە ئاڤای ڕاگەیاند: ناتوانین هۆکارەکانی دەستبەسەرکردنی ئەو هاوڵاتیە کوردە بزانین و کێشەکانی گەشتیاران لە فڕۆکەخانە نێودەوڵەتیەکانی ڕووسیا دەگەڕێنەوە بۆ خزمەتگوزاری سنووریی ڕووسیای فیدراڵ.

لەلایەکی دیکەوە: ئاڤا لە ڕێگەی نوێنەرایەتیی حکومەتی هەرێمی کوردستانەوە لە ڕووسیا بەدواداچوونی بۆ کێشەکە کرد و داوتر پەیوەندی بە هاوڵاتییە کوردەکەوە کرد و بە ئاڤای وت: "ئەمڕۆ پێیان ڕاگەیاندووم چەند کاتژمێرێکی دیکە کارەکانم بۆ بەڕێدەکەن و ڕێپێدانم بۆ دەکرێت بۆ ناو ڕووسیا".