لە دهۆک پێشمەرگەیەك دوای چارەسەركردنی بازێكی بریندار، ئازادی دەكات

 

ئاڤا نیوز

لە پارێزگای دهۆك پێشمەرگەیەك دوای چارەسەركردنی باڵندەیەكی سەقەر، ئازادی دەكات.

چیرۆكی سەرەكی: پێشمەرگەیەك بە ناوی محەممەد، كە لە لیوای سێی فەوجی دووی هێزەكانی زێرەڤانی دەوام دەكات، لە گوندی بریفكا مزیریای سەر بە قەزای باتیفا لە پارێزگای دهۆك، باڵندەیەكی سەقەر دەبینێت كە بە تاپڕ بریندار كراوە، ئەویش دەیباتەوە ماڵەوە و دوای چەندین ڕۆژ بەخێوكردنی و تیماركردنی برینەكەی، ئازادی دەكات.

لێدوانی فەرمی: ئەو پێشمەرگەیە ڤیدیۆی بازەكەی بۆ ئاڤا ناردووە، وەك خۆی دەڵێت، لەماڵەوە 10 ڕۆژ دەیهێڵێتەوە و بەخێوی دەكات، پاشان دەیباتە ڤێتێرنەری و تیشكی بۆ دەگرێت، 50 هەزاریش بۆ ئەشیعەكە خەرج دەكات. ئەمڕۆ لەجیاتی ئەوەی بیبات بیفرۆشێت، بردیەوە بۆ نێو سرووشت و ئازادی كردەوە و فڕی.

 

لایەنە ئەرێنییەكان: جیاواز لە هەواڵی تێكدانی ژینگە و داربڕین و كوشتنی ئاژەڵ و باڵداری كێوی كە جاروبار لێرە و لەوێ ڕوودەدات، هەوڵی ئەم پێشمەرگەیە دیمەنێكی ناوازەی ئاژەڵدۆستی و ژینگەپارێزی پیشان دەدات كە دەكرێت وەك نموونەیەكی باڵا سەیربكرێت و لاسایی بكرێتەوە.