سەرۆکی شارەوانیی تەوێڵە بەتۆمەتی وەرگرتنی بەرتیل دەستگیر کرا

ئاڤا نیوز

 

ئەمڕۆ سێشەممە هێزەکانی ئاسایشی شارەدێی تەوێڵە سەر بە پارێزگای هەڵەبجە، بەتۆمەتی وەرگرتنی بەرتیل سەرۆکی شارەوانی تەوێڵە، ئەندازیار عیماد محەممەد خالیدیان دەستگیرکرد.

 

لێدوانی فەرمی: ڕائید ئەرکان، وتەبێژی پۆلیسی هەڵەبجە بە ئاڤا میدیای ڕایگەیاند، سەرۆکی شارەوانی تەوێڵە بەپێی ماددەی 307ـی یاسای سزادان، بە تۆمەتی وەرگرتنی بڕی 1000 دۆلار وەک بەرتیل لە هاوڵاتییەک بۆ گواستنەوەی ستوونی کارەبا دەستگیرکراوە.

 

زانیاریی زیاتر: وتەبێژی پۆلیس ئاماژەی بەوەش کرد، دادگای هەڵەبجە بڕیاری دەستبەسەرکردنی تۆمەتبارەکەی دەرکردووە و دۆسیەکە دوای تەواوکردنی لێکۆڵینەوەی سەرەتایی ڕەوانەی دەستەی نەزاهە دەکرێت.

 

ئەمەش بزانە: عیماد محەممەد، چەندین ساڵە سەرۆکی شارەوانی تەوێڵەیە و لەسەر پشکی یەکێتیی نیشتمانیی کوردستان پۆستەکەی وەرگرتووە