کۆمیسیۆن داوایەک ئاراستەی هەردوو باڵەکەی گۆڕان دەکات

ئاڤا نیوز

 
كۆمیسیۆنی هەڵبژاردنەكانی عێراق، فەرمانگەی کاروباری حیزب و ڕێکخراوەکانی ڕاسپارد بە ڕاوێژ لەگەڵ هەردوو ئاڕاستەکەی بزووتنەوەی گۆڕان، وادەی نوێی کۆنگرەی ئەو حیزبە دیاریی بکەن.

 

وێنە گەورەکە: ئەنجوومەنی کۆمیسیارانی كۆمسیۆنی هەڵبژاردنەكانی عێراق کۆبووەوە و لەبارەی كۆنگرەی بزووتنەوەی گۆڕان بڕیاریدا فەرمانگەی کاروباری حیزب و ڕێکخراوەکان بەهەماهەنگی لەگەڵ هەردوولایەنی داواکار، وادەیەکی نوێ بۆ کۆنفرانسی نیشتمانی گۆڕان دیاری بکرێت.

 

زانیاریی زیاتر:  مەرجی ئەنجوومەنی کۆمسیاران ئەوەیە دەبێت وادەی كۆنفرانسەكە لەو وادەیە تێپەڕ نەكات كە لە بڕیاری ئەنجوومەنی كۆمیسیاران لە 11ی ئەیلوولی 2024دا دیاریكراوە و بەگوێرەی ئەو بڕیارە نابێت کۆنگرەی گۆڕان لە 11ی ئازاری ئەمساڵ زیاتر دوابکەوێت.

لەلایەکی دیکە: ئێستا بزووتنەوەی گۆڕان بەسەر دوو ئاڕاستەی جیاوازدا دابەش بووە، بڕیاربوو 2ـی ئەم مانگە گۆڕانی "گەڕەكی كوردسات" بەسەرۆكایەتیی دانا ئەحمەد مەجید، کۆنفرانس ببەستێت، بەڵام لەسەر داوای کۆمیسیۆن دواخرا.

 

بۆچوونی لایەنی بەرامبەر: "گۆڕانی گردی زەرگەتە"ش بە سەرۆكایەتیی چیا نەوشیروان مستەفا دەڵێن، 22ـی ئەم مانگە لە گردی زەرگەتە كۆنفرانسی بزووتنەوەی گۆڕان دەكەن و زۆرینەی ئەندامانی جڤاتی هەڵبژێردراو لەگەڵ ئەوانن.