ترەمپ داواکاری زێلێنیسکی بۆ کۆبوونەوە ڕەتدەکاتەوە

ئاڤا نیوز

بەرەبەیانی ئەمڕۆ دوای پەیوەندی تەلەفۆنی نێوان ترەمپ و پوتن، لە ڕێگەی پەیوەندییەکی تەلەفۆنییەوە ترەمپ و زێلێنیسکی گفتووگۆیان دەربارەی کۆبوونەوەی سەرۆکەکان کردووە.

وێنە گەورەکە: لە دوای دەستبەکاربوونی دۆناڵد ترەمپ لە پۆستی سەرۆکایەتی ئەمریکا، ڤۆلۆدیمێر زێلێنیسکی، سەرۆکی ئۆکراینا چەندین جار داوای چاوپێکەوتنی لەگەڵ هاوتا ئەمریکیەکەی کردووە و تەنانەت کۆبوونەوەی ترەمپ و پوتنی بە مەترسییەکی گەورە ناو برد لە ئەگەری بەشداری پێنەکردنی لە کۆبوونەوەی سەرۆکەکان.

لێدوانی فەرمی: کارۆلین لیڤیت، وتەبێژی کۆشکی سپی لە کۆنگرەیەکی ڕۆژنامەوانیدا ڕایگەیاند: دوای پەیوەندییە تەلەفۆنییەکەی سەرۆک ترەمپ و پوتن، پەیوەندییەکی تەلەفۆنی لە نێوان ترەمپ و زێلێنیسکی کراوەو بڕیار وایە ڕۆژی هەینی لە مینوشن کۆبوونەوەیەک لە نێوان ڤۆلۆدیمێر زێلێنیسکی، سەرۆکی ئۆکراینا و وەفدێکی باڵای ئەمریکا بە سەرۆکایەتی جەی دی ڤانس، جێگری سەرۆکی ئەمریکا و مارکۆ ڕۆبیۆ، وەزیری دەرەوە بکرێت.

ئەوەی پێویستە بیزانیت: ڕۆژی چوارشەممە 2025-02-12، ڤۆلۆدیمێر زێلێنیسکی، سەرۆکی ئۆکراینا پوتنی تۆمەتبار کرد بەوەی هیچ زەمینەسازی بۆ ئاشتی ناکات و گەر فشارێکی نێودەوڵەتی لە دژی ڕووسیا بە کار نەهێنرێت، لە کووشتنی هاوڵاتیانی ئۆکراینا و وێرانکردنی شارەکان بەردەوام دەبێت.