بەهۆی حەشدی شەعبییەوە دانیشتنەکانی پەرلەمانی عێراق پەکدەخرێت

ئاڤا نیوز

ئەندامێکی پەرلەمانی عێراق هەڕەشەی بایکۆتی هەموو دانیشتنەکانی پەرلەمان لەلایەن فراکسیۆنە شیعیەکانەوە دەکات،  ئەگەر یاسای حەشدی شەعبی پەسەند نەکرێت.

ڕێككه‌وتنكه‌ به‌م شێوه‌یه‌یە: دوای ئەوەی هێرشی چەکدارانی داعش بۆ سەر عێراق دەستیپێکرد، بە فتوای ئاینی لە نەجەف ئەو گرووپە چەکدارییە دروستکرا، دواتر یاسای دەستەی حەشدی شەعبی بە زۆرینەی دەنگ لە 2016 پەسندکرا و هێزەکەی کرد بە هێزێکی یاسایی لە چوارچێوەی هێزە سەربازییەکانی عێراق. 

لێدوانی فەرمی: حوسێن موئنیس، پەرلەمانتاری عێراق نزیک لەحیزبوڵڵای عێراق، ڕایگەیاند:

- لەمەودوا ناهێڵین هیچ یاسایەک لەپەرلەمانی عێراق پەسەندبکرێت تاوەکو یاسای حەشدی شەعبی نەکرێتە کارنامەی پەرلەمان و دەنگی لەسەر نەدرێت.

- ئەمە بۆچوونی زۆربەی لایەنە شیعییەکانی عێراقە و هەموو لایەک گەیشتونەتە ئەو باوەڕەی نابێت چیتر ئەم یاسایە لەوە زیاتر دوابکەوێت.

ئەوەی پێویستە بیزانیت: بەمەبەستی هەموارکردنەوەی ڕەشنووسی یاسای خانەنشینی دەسەڵاتی حەشدی شەعبی، پەرلەمان ڕشنووسەکەی گەڕاندەوە بۆ حکومەت، کشانەوەی پڕۆژە یاساکە لەسەر ڕاسپاردە و پێشنیازی هەندێک لایەنی شیعەی نێو دەسەڵات بووە، تاوەکو چەند بڕگەیەک بۆ یاساکە زیاد بکرێت بەتایبەتی ئەو بڕگانەی پەیوەستن بە بودجە و مووچەی خانەنشینانی ئەو هێزە، ڕەنگە ساڵانە سەدان هەزار تریلیۆن زیاد بکات.

زانیاری بەدەستهاتوو: بەپێی ڕەشنووسی یاساکە، تەمەنی خانەنشینی  سەربازی حەشدی شەعبی ناگرێتەوە، سەرکردەکانیشی بە پلەی سەربازی باڵا خانەنشین دەکرێن.