سیناتۆرێکی ئەمریکی ستايشى ڕۆڵى كوردستان له‌ پاراستنى ئارامى و سه‌قامگيرى له‌ ناوچه‌كه‌ دەکات

ئاڤا نیوز

نێچیرڤان بارزانی، سەرۆکی هەرێمی کوردستان و سیناتۆریکی ئەمریکی، دوايين پێشهاته‌كانى ناوچه‌كه‌ به‌گشتى و لێكه‌وتەکانی لە ڕۆژهه‌ڵاتى ناوه‌ڕاست تاوتوێ دەکەن.

چیرۆکی سەرەکی: نێچیرڤان بارزانی، سەرۆکی هەرێمی کوردستان بۆ بەشداریكردن لە كۆنفرانسی ئاسایشی میونشن لە ئەڵمانیایە، لەم چوارچێوەیەشدا لەگەڵ سيناتۆر كريس ڤان هۆڵن، ئه‌ندامى ئه‌نجوومه‌نى پيرانى ئه‌مه‌ريكا کۆبوویەوە.

ڕاگەیێنراوی فەرمی: سەرۆکایەتیی هەرێمی کوردستان ڕایگەیاند:

-نێچیرڤان بارزانی، سەرۆکی هەرێمی کوردستان له‌ ديدارەكەدا سوپاسى پشتگيريى به‌رده‌وامى كۆنگرێسى ئه‌مه‌ريكاى له‌ هه‌رێمى كوردستان كرد.

- سيناتۆر هۆڵن ستايشى ڕۆڵى هه‌رێمى كوردستانى له‌ پاراستنى ئارامى و سه‌قامگيريى له‌ ناوچه‌كه‌ كرد، به‌رده‌واميى پشتيوانيى كۆنگرێس و دۆستانى گه‌لى كوردستانى له‌ ئه‌مه‌ريكا بۆ هه‌رێمى كوردستان دووپاتكرده‌وه‌.

-دوايين پێشهاته‌كانى ناوچه‌كه‌ به‌گشتى و لێكه‌وتەکانی لە ڕۆژهه‌ڵاتى ناوه‌ڕاست، ته‌وه‌رێكى ديكه‌ى كۆبوونه‌وه‌كه‌ بوو.

باکگراوند: كۆنفرانسی ئاسایشی میونشن، ساڵانەیە و تێیدا گفتوگۆ لەسەر دۆخی ئەمنی، ئاسایش و ئابووریی جیهان دەکرێت، ئەمساڵ 61ـمین کۆنفرانسە و چەندین سەرۆك و سەرکردەی وڵاتان لەسەر ئاستی جیهان بەشدارن، کۆنفرانسەکە سێ ڕۆژ دەخایەنێت.