دەم پارتی: پێویستە عەبدوڵڵا ئۆجەلان ئازاد بکرێت

ئاڤا نیوز

لە چوارچێوەی هەوڵەکان لەبارەی پرسی ئاشتی کورد لە تورکیا، دەم پارتی ڕاگەیێنراوێک بڵاو دەکاتەوە و چەند داوایەک ئاراستەی تورکیا دەکات.

چیرۆکی سەرەکی: پارتی یەكسانی و دیموكراسیی گەلان (دەم پارتی) بۆ چارەسەریی پرسی كورد ڕاگەیێنراوێکی چوار خاڵی بڵاو دەکاتەوە و داوا لە توركیا دەکات، لەبری شەڕ بە گفتوگۆ کێشەکان چارەسەر بکات.

ڕاگەیێنراوی فەرمی: دەم پارتی ڕاگەیێنراوێکی چوار خاڵی بڵاو کردووەتەوە تیێدا هاتووە:

یەكەم: بۆ چارەسەری ئاشتیانەی پرسی كورد، پێویستە عەبدوڵڵا ئۆجەلان، رێبەری زیندانیكراوی پارتی كرێكارانی كوردستان (پەكەكە) ئازاد بكرێت.

دووەم: پەیمانێكی نوێی كۆمەڵایەتیی، سیاسیی لە توركیا بۆ پاراستنی مافەکانی کورد و دیموكراسیی بكرێت.

سێیەم: كورد، عەرەب، ئەرمەن و سەرجەم پێكهاتەكانی باكووری كوردستان و توركیا، مافەكانیان وەك هاووڵاتییەكی ئەو وڵاتە بەشێوەیەكی دادپەروەرانە پارێزراو بێت.

چوارەم: توركیا لە بری جەنگ، سیاسەتی گفتوگۆ و ئاشتی لە رۆژهەڵاتی ناوەڕاست بگرێتەبەر، واز لە سیاسەتی ڕەتكردنەوە بێنێت.

ئەوەی پێویستە بیزانیت: وا بڕیارە لە چەند رۆژی داهاتوو، شاندی ئیمڕاڵی سەردانی هەولێر بکەن، لەگەڵ سەرۆک مەسعود بارزانی، نێچێرڤان بارزانی، سەرۆکی هەرێمی کوردستان، سەرۆکوەزیران مەسرور بارزانی کۆ ببنەوە.