بۆردی ئۆپن ئای داواکەی مەسک ڕەتدەکەنەوە

ئاڤا نیوز

بۆردی سەرۆکایەتیی کۆمپانیای ئۆپن ئای، داواکەی ئیلۆن مەسکیان بۆ کڕینی کۆمپانیاکە ڕەتکردەوە.

 

وێنە گەورەکە: بەپێی هەواڵێکی ڕۆژنامەی وۆڵ ستریت جۆرناڵ،  ئیلۆن مەسک، دەوڵەمەندترین پیاوی جیهان، 97.4 ملیار دۆلاری پێشکەش بە دەستەی بەڕێوەبەری جێبەجێکاری openAI کردووە بۆ کڕینی ئەو کۆمپانیایە.

 

ڕاگەیێنراوی فەرمی: برێت تایلۆر، سەرۆکی بۆردی سەرۆکایەتیی ئۆپن ئای، ڕایگەیاند "ئۆپن ئای بۆ فرۆشتن نیە، بۆرد بە کۆی دەنگ هەوڵەکەی ئەم دواییەی بەڕێز مەسک بۆ تێکدادنی کێبڕکێکە ڕەت کردووەتەوە." تایلۆر ئەوەشی گوتووە کۆمپانیاکە لە سەر سیاسەتی 'ژیریی دەستکردی گشتی' و لە پێناو 'بەرژەوەندیی هەموو مرۆڤایەتی' بەردەوام دەبێت. 

 

زانیاریی زیاتر: کۆمپانیای ئۆپن ئای لە بواری ژیریی دەستکرد کار دەکات و بە یەکێک لە گەورەترین کۆمپانیاکانی ئەو بوارە دادەنرێت.