ئاسایشی نیشتیمانی 10 ئەندامی گرووپی قوربان دەستگیر دەکات

ئاڤا نیوز

 

دوای کۆکردنەوەی زانیاریی ورد لەلایەن دەزگای ئاسایشی نیشتمانی عێراق، ژمارەیەک ئەندامی گرووپی قوربان دەستگیرکران، کە پلانی ئەوەیان هەبوو خۆکوژی بە کۆمەڵ ئەنجام بدەن.

 

چیرۆکی سەرەکی: 'قوربان' گرووپێکى ئاینییە کە ئەندامەکانی شیعە مەزهەبن، یەکێک لە نەریتەکانیان ئەوەیە لەنێوان خۆیاندا تیروپشک دەکەن بۆ ئەوەی یەکێکیان خۆی بکاتە قوربانی بۆ 'خەلیفە عەلى کوڕى ئەبو تاڵیب'، دوای ئەوەی بڕیار بوو چەند ڕۆژی داهاتوو ئەو کارە ئەنجام بدەن، بەڵام پێش ئەوە تەواوی ئەندامەکان دەستگیر کران.

 

ڕاگەیێنراوی فەرمی: دەزگای ئاسایشی نیشتیمانی عێراقی ڕایگەیاند: یەکێک لەو کەسانەی دەستگیرکراوە، ناوی 'ع.س' بووە، دوای لێکۆڵینەوە دەرکەوتووە ئەو کەسە بەنیازبووە سێ ڕۆژی تر خۆی بکوژێت، بەڵام پێش ئەنجامدانی کارەکەی دەستگیر کراوە. 

 

زانیاریی زیاتر: دوای بە دوای دەستگیرکردنی ئەو کەسە ژمارەیەک کەسی تریش دەستگیرکراون و سەرجەمیان ڕەوانەی دەسەڵاتی دادوەری کراون، تاوەکو لێکۆڵینەوەی زیاتریان لەگەڵ بکرێت.