فوئاد حوسێن: هەفتەی داهاتوو وەزیری دەرەوەی سووریا سەردانی بەغدا دەکات

ئاڤا نیوز

وەزیری دەرەوەی عێراق ئاشکرای دەکات کە ئەسعەد شەیبانی، هاوتا سوورییەکەی بانگێشتی بەغدا کردووە لە هەفتەی داهاتوودا.

ڕاگەیێنراوی فەرمی: فوئاد حوسێن، وەزیری دەرەوەی عێراق بە ئاژانسی فەرمیی حکومەتی عێراقی ڕاگەیاند: بانگهێشتی فەرمیی ئەسعەد شەیبانی، وەزیری دەرەوەی سووریام کردووە بۆ ئەوەی لە هەفتەی داهاتوودا سەردانی بەغدا بکات.

لەلایەکی دیکەوە: هەفتەی ڕابردوو، ئەسعەد شەیبانی ڕایگەیاند: بانگهێشتی فەرمییم لەلایەن عێراقەوە پێگەیشتووە و بەمزووانە سەردانی بەغدا دەکەم، تاوتوێی پاراستنی سنوور و کردنەوەی دەروازە فەرمییەکان دەکەین.

ئەوەی پێویستە بیزانیت: بەگوێرەی چەند سەرچاوەیەکی عێراقی، شەیبانی لەگەڵ هاوتا عێراقییەکەی و محەممەد شیاع سوودانی، سەرۆکوەزیرانی عێراق کۆدەبێتەوە و دەستپێکردنەوەی گەشتی ئاسمانی، پرسی چالاکییە ئابووری و بازرگانییەکانی نێوانیان و بوونی چەکدارانی ڕێکخراوی داعش لەنێو خاکی سووریا تاوتوێ دەکەن.