شاندی دەم پارتی گەیشتە بارەگای بارزانی و لەگەڵ سەرۆک بارزانی کۆبوونەوە

ئاڤا نیوز

 

شاندی دەم پارتی کەمێک پێش ئێستا گەیشتە بارەگای بارزانی و لەگەڵ سەرۆک بارزانی کۆبوونەوە بۆ ئەوەی پەیامی ئۆجەلان بگەیێنن بە سەرۆک بارزانی و تاوتوێی پرۆسەی ئاشتی بکەن لە تورکیا.

 

وێنە گەورەکە: پرسی ئاشتەوایی کورد و تورک، خستنەگەڕی پرۆسەی چارەسەر دوای سەردانی شاندی دەم پارتی بۆ ئیمرالی و گەیاندنی نامە شاراوەکەی عەبدوڵڵا ئۆجەلان، ڕێبەری پارتی کرێکارانی کوردستان بە لایەنە سیاسییەکانی تورکیا، ئێستا دوو ڕۆژە لە هەرێمی کوردستانن و پەیامی سەرۆک بارزانی لەبارەی پەیامی ئاشتی وەردەگرن.

 

زانیاریی بەدەستهاتوو: شاندی دەم پارتی بۆچوونەکانی سەرۆک بارزانی بۆ پرسی ئاشتی بە گرنگ و پێویست دەزانن، دواتر پەیامەکەی بۆ ئۆجەلان دەبەنەوە.

 

ئەمەش بزانە: ئەو شاندە ڕۆژی دووشەمە لەگەڵ نێچیرڤان بارزانی، سەرۆکی هەرێمی کوردستان کۆدەبنەوە. ڕۆژی سێشەممەش سەردانی سلێمانی دەکەن و لەگەڵ بەرپرسانی باڵای یەکێتی کۆبوونەوەیان دەبێت.