ژمارەیەک دەرچووی بەشە پزیشکییەکانی عێراق داوای دامەزراندن دەکەن

ئاڤا نیوز

 

دەرچووانی بەشە پزیشکییەکانی عێراق لە پارێزگاکانی بەغدا، بەسرە و بابل گردبوونەوەی ناڕەزایەتییان ئەنجامداوە و داوای دامەزراندن دەکەن. 

 

زانیاریی بەدەستهاتوو: بەگوێرەی زانیاریی میدیا عێراقییەکان، دەرچووانی بەشە پزیشکییەکان لەبەردەم باڵەخانەی وەزارەتی تەندروستی لە بەغدا گردبوونەوە و داوای دامەزراندن دەکەن. 

 

زانیاریی زیاتر: دەرچووانی دانەمەزراوی بەشە پزیشکییەکان لە پارێزگای بابل لە بەردەم باڵەخانەی ئەنجوومەنی پارێزگا گردبوونەوە و لە بەسرەش بەسەدان فەرمانبەری پاککەرەوە لەبەردەم باڵەخانەی شارەوانی ئەو پارێزگایە گردبوونەوە و داوای بە هەمیشەیی کردن دەکەن.

 

ئەوەی پێویستە بیزانیت: خۆپیشاندان و ناڕەزایەتیی هاووڵاتییانی ناوچەکانی خواروناوەڕاستی عێراق بەردەوامە و لەماوەی ڕابردووشدا هاووڵاتییانی ئەو ناوچانە چەندین جار گردبوونەوە بەهۆی نەبوونی خزمەتگوزاری و دانەمەزراندنەوە.