بۆ یەکەمجار لە ئاڤا؛ موقتەدا سەدر لە هەڵبژاردنی داهاتوو بەشدار دەبێت؟

ئاڤا نیوز

 

سەرچاوەیەک لە ڕەوتی نیشتمانیی شیعە کە موقتەدا سەدر سەرۆکایەتیی دەکات، هەڵوێست و بڕیاری ڕەوتەکە سەبارەت بە هەڵبژاردنی داهاتووی پەرلەمانی عێراق بۆ ئاڤا میدیا ئاشکرا دەکات.

 

لێدوانی فەرمی: سەرچاوەیەک لە دەستەی سیاسیی ڕەوتی سەدر(ڕەوتی نیشتمانیی شیعە) بە ئاڤا میدیای ڕاگەیاند: ئەو زانیاری و ڕاپۆرتانەی باس لە نیازی ڕەوتی سەدر دەکەن سەبارەت بە بەشداریکردنی لە هەڵبژاردنی داهاتووی پەرلەمانی عێراق ڕاست نین، هێشتا موقتەدا سەدر ،سەرۆکی ڕەوتەکە ئەم بابەتەی یەکلایی نەکردووەتەوە.

 

ئەوەی پێویستە بیزانیت: سەرچاوەکە زانیاریی زیاتری بۆ ئاڤا ئاشکرا کرد و گوتیشی، ئەگەری هەیە سەدر لە سێ مانگی داهاتوودا بڕیاری یەکلاکەرەوە پەیوەست بە بەشداریکردن لە هەڵبژاردن بدات، هیچ پەیوەندییەکی سیاسیش دەربارەی دۆخی سیاسی و هەڵبژاردنی داهاتوو لەگەڵ هیچ لایەنێک لە ئارادا نییە.

زانیاریی زیاتر: ڕەوتی نیشتمانیی شیعە -پێشتر ڕەوتی سەدر بوو- لە هەڵبژاردنی پەرلەمانی عێراق لە ساڵی 2021 بەشداریی کرد و زۆرترین کورسی لەسەرتاسەری عێراق بەدەستهێنا(73 کورسی)، دواتر بەهۆی ناکۆکییەکانی لەگەڵ لایەنەکانی دیکەی شیعە لەسەر پێکهێنانی حکومەت، لە پەرلەمان و پرۆسەی سیاسی لە ساڵی 2022  کشایەوە.

 

ئەمەش بزانە: ڕەوتی نیشتمانیی شیعە لە هەڵبژاردنی ئەنجوومەنی پارێزگاکان لە 18-12-2024 بەشداریی نەکرد.