یەکگرتوو: بۆ هەڵبژاردن ئامادەین و لێی ناترسین

ئاڤا نیوز

دوای دیاریکردنی وادەی هەڵبژاردنی پەرلەمانی کوردستان، یەکگرتووی ئیسلامی ئامادەیی خۆی بۆ ئەو پرۆسەیە نیشان دەدات و  بەرپرسێکی ئەو حیزبە دەڵێت لێی ناترسن.

لێدوانی فەرمی: محەممەد هاودیانی، بەرپرسی دەزگای پەیوەندییەکانی یەکگرتووی ئیسلامی بە ئاڤا نیوزی گوت: "ئامادەکاری تەواومان کردووە، پرۆسەکە دیموکراسییە و لێی ناترسین، پێشمانوایە دەبووایە ئەو پرۆسەیە هەر لە سەرەتاوە دوانەخرێت بۆ ئەوەی هەرێمی کوردستان بەو دۆخە نەگات".

 

باکگراوند: بە بڕیاری نێچیرڤان بارزانی، سەرۆکی هەرێمی کوردستان ڕۆژی 10-06-2024 هەڵبژاردنی پەرلەمانی کوردستان بەڕێوەدەچێت.